محمداياز ترنک

	زيره دښمن نه لري ، هيڅ ډول حشرات نه ورنېږدې کيږي اوترکلونوکلونونه خرابيږي.

له دې ځايه واورئ!

داچې ددې بوټي ګټه څه ده،عبدالواجددکندهاردشاه ولي کوټ اوسيدونکي وويل چې توره زيره هيڅکله خپل ارزښت له لاسه نه ورکوي.

توره زيره ځانګړې سيمې او آْ ب او هوا ته اړتيانلري او دافغانستان په هر ګوټ کې ښه وده کوي او ترکر وروسته په درېيم کال حاصل ورکوي.

ددې بوټي دکرپه اړه د غزني د ګيلان ولسوالۍ اوسېدونکي محمدرسول وويل:

"په مني کې دغنمو له تخم سره يوځای توره زيره هم کرو، په دويم کال هم په همدې ځمکه بل کښت کرو اوپه درېيم کال زيره حاصل ورکوي."

زيره هم قوي ځمکې اوکيمياوي يا حيواني سرې ته اړتيا لري او دښه حاصل دترلاسه کولولپاره يې بايد کرونده له وښواو هرزه بوټوپاکه شي.

	توره زيره ځانګړې سيمې او آْ ب او هوا ته اړتيانلري اودافغانستان په هر ګوټ کې وده کوي

زيره هيڅ دښمن نه لري او هيڅ ډول حشرات نه ورنېږدې کيږي . که په وچ ځای کې وساتل شي، ترډېروکلونو نه خرابيږي.

توره زيره په پخلي او طبابت کې دکاراخيستنې ترڅنګ دخېټې دبااوله خولې څخه دهوګې اوپياز دبدبوي په له منځه وړلو کې هم کارول کيږي.