صابرعزيز

	په موټرسايکل دزياتوسپرليو لېږدول دناوړه پېښودرامينځته کېدولامل کيږي.

له دې ځايه واورئ!

ددې واسطې کارول که له يوې خوا آسانه دي له بلې خواکه چېرې چلوونکی سمه پاملرنه ونلري يولړستونزې او خطرونه هم لري.

ضياالرحمن دکابل ښارديوه اوسېدونکي خپلوان دتېزچلولوله امله موټرسايکل له دېوال سره وواهه.

ددې ټکر په پايله کې موټرسايکل چلوونکی مړ اودهغه د شاته ناست کس دواړه پښې ماتې شوې.

سمونيار نيازالدين د کابل ښار د ترافيکو د مديريت يو تن افسر د دې ډول پېښو دلاملونو په اړه داسې وويل:

"بې پروايي ، له قانون څخه بې خبري اوسرغړونه او د موټرسايکل چلولو پر مهال د حفاظتي وسايلو نه کارول داډول پېښې رامنځته کوي."

	که له يوې خوادموټرسايکل چلول آسانه دي،له بله پلوه ستونزې اوخطرونه هم له ځان سره لري.

خو يو شمېرموټرسايکل چلوونکي پدې برخه کې له پوره احتياط نه کار اخلي. هدايت الله چې په غزني کې اوسي يوله همداشان کسانوڅخه دی.

نوموړی دموټرسايکل له خولۍ ګټه اخلي،دموټرپرلار نه ځي،دچلولوجوازاو ټول احتياطي وسايل لري اوددې ترڅنګ زياتې سپرلۍ هم نه لېږدوي.