شمشاد عمرشينوارى

	دماشوم ترزېږون وروسته مورته ښايي چې له هر ډول ميوې، ترکارۍ او غوښې څخه ګټه واخلي."

له دې ځايه واورئ!

د اميدوارۍ په مهال ميرمنې د خپل بدن ذخيره شوي ويټامينونه له لاسه ورکوي ځکه چې له همدې موادوڅخه تر (٩) مياشتو پورې په خپل نس کې ماشوم تغذيه کوي.

جنت بي بي دکابل ښار اوسيدونکې ته دماشوم ترزېږون وروسته سم خواړه نه وو رسيدلي، اوس يې وينه کمه او خپله هم کمزورې شوېده.

يو شمېر ميرمنې تر ولادت وروسته ترڅلوېښتوورځو له ځينوخوراکي توکو پرهېز کوي خوروغتيايي کارپوهان دهغوئ داکار زيان راوړونکی بولي.

د افغانستان د عامې روغتيا په وزارت کې ډاکټرې کوثر وويل:

"تر زېږون وروسته د ډاکټر له مشورې پرته هيڅ ډول پرهېز بايد ونشي، مورته ښايي چې له هر ډول مېوې، ترکارۍ او غوښې څخه ګټه واخلي."

	روغتيايي کارپوهان دماشوم تر زېږون وروسته له خوراکي توکو دمېندو پرهېز کول بې ځايه ګڼي.

د روشن ګل په نوم يوې بلې ميرمنې وويل چې دماشوم تر زېږون وروسته دچرګ ديخنۍ ترڅنګ ترکاري او پاخه سبزيجات هم خوري.

د ماشوم تر زېږون وروسته ميندوته نه ښايي چې دحيواني غوړيوڅخه کار واخلي ،ځکه حيواني غوړي کولسترول زيات او دوينې لوړفشار پيدا کوي.