 | | | پرله پسې تبه ،د ځان درد، بې اشتهايي،کمزوري او کله ناکله اسهال دمحرقې نښې ګڼل کيږي. |
محرقه يو ډول ساري ناروغي ده چي ځيني خلک يې غټه تبه هم بولي.ددې نارو غۍ وايرس زياتره په کنارابونو او د څارويو په فاضله موادو کې وي . دا وايرس په اسانۍ سره د کګړو لاسونو يا نا پاکه خوړو له لارې د انسان وجود ته ننوځي . دحليمې په نوم يوې ميرمنې وويل چې محرقه ده ، هميشه يې تبه وي او ډېره يې کمزورې کړې ده،خو په لامل يې نه پوهيږي. ډاکتران وايي که د محرقې په لومړيو پړاوونو کې درملنه ونه شي، ناروغ د دوامدارې تبې له امله کمزوری کيږي او ان د کوما حالت ته هم رسيدای شي. د کابل په اندرا ګاندي روغتون کې ډاکټر نصير همت دوامداره تبه ،د ځان درد ، بې اشتهايي ، کمزوري اوکله ناکله اسهال دمحرقې نښې وګڼلې. خانم ګل د پروان اوسيدونکې،چې لوريې محرقه درلوده، سپغول ، د کشمالي تخم ، کاسني ، هندواڼه او د ميوې اوبه ورکړې، خو ورسره ښه نه شوه. ډاکټران داسې ناروغانوته دګټورو خوړو او مېوې د ورکولو ترڅنګ، روغتيايي مرکزونوته دهغوئ په تګ ټينګار کوي. | | | دمحرقې ناروغ ته دې پخپل سر دوا نه ورکول کيږي بلکې روغتيايي مرکز ته دې ورسول شي. |
ددې ناروغۍ د مخنيوي لپاره کناراب بايد د اوبو د څاه څخه ليرې جوړ شي او د څارويو سره د تماس په صورت کې دې لاسونه په صابون پرېمينځل شي . ميوې او سابه مخکې له خوړلو څخه بايد په پاکو اوبو پريمينځل شي اود ناروغ دخوړو لوښي دې د کور د نورو غړوڅخه بېل شي . | 
له دې ځايه واورئ!
د آبادۍ غږ : د پوليسو ګزمه 