 | | | تنده، دتشومتيازو ډيروالی اود ماشوم ډنګروالی د شکرې د ناروغۍ نښې نښانې دي. |
په وينه کې د قندي موادو ډېرېدل او د انسولين کمښت ، په ماشومانو کې د شکرې د ناروغۍ سبب کيږي. انسولين يو ډول مواد دي چې د پانقراس د غدې څخه افرازيږي او دنده يې په وينه کې د قندي موادو ، غوړو او پروتين مصرفول دي. که دا ناروغي په لومړيو کې وپيژندل شي، په اسانۍ کنتروليږي، خوکه چيرې ډېر وخت پرې تېرشي د ماشوم د مړينې سبب هم کيدای شي . په ماشومانو کې د شکرې د ناروغۍ اصلي لامل لا ندی پېژندل شوی ، خود کله چرک ناروغي خلک ددې ناروغۍ لامل ګڼي. همدا راز دمور د شيدو پر ځای ماشوم ته د غوا شيدې ورکول ددې ناروغۍ په پيدا کېدو کې ونډه لري. د کابل ښار اوسيدونکې، فريدې، وويل: " کله چې مې ماشومانو د کله چرک ناروغي تېره کړه ،د شکرې په ناروغۍ اخته شول ، يو يي مړ ، بل يي ړوند او بل يي هم کوڼ شو. " تنده، دتشومتيازو ډيروالی او د ماشوم ډنګروالی په کابل کي د شکرې د کنترول د مرکز ډاکټر حبيب ګل، د دې ناروغۍ نښې بولي. د لس کلنې رخسار دکورنۍ هغه وخت دخپلې ماشومې د شکرې ناروغۍ ته پام شو ، چې لوريې ډېره تږې کېده او زياته تشناب ته تلله. | | | په وينه کې د قندي موادوډېرېدل او د انسولين کمښت دشکرې د ناروغۍ سبب کيږي. |
له اندازې زيات پرهېز په شکره اخته ماشوم ډنګر او له ودې پاتې کوي . د ډاکټر د مشوري سره سم ناروغ ته بايد ښه خواړه ورکړل شي. پدې ناروغۍ اخته ماشوم ته هر ډول سابه او مېوې ورکول اوهغه ورزش ته هڅول د شکرې په کنترولولو کې ډېره ونډه لري. | 
له دې ځايه واورئ!
د آبادۍ غږ : د پوليسو ګزمه 