ملاريا يوه پارازيتي ناروغي ده چې دانافيل په نامه دښځينه ماشې پواسطه پدې ناروغۍ له اخته کس څخه روغ کس ته لېږدي. كله چې د ملاريا پارازيت د انسان بدن ته ننوځي، د وينې له لارې ځيګر ته ځي او هلته د خپل ژوند يوه برخه تېروي . وروسته له يوې مودې بير ته وينې ته ځي او په سرو كروياتو بريد كوي ، چې پدې وخت كې د ملاريا ناروغي مينځ ته راځي. داچې د ملاريا ماشې چېرې پيدا کيږي، د كابل د انتاني روغتون ډاكټر، محمد عابد وويل: " د ملاريا ماشې په ډنډونو او ډېرانونو كې ژوند کوي. کله چې دا ماشې انسان وچيچي، تبه کوي، بدن يې خوله كيږي او بې اشتها هم وي." د ننګرهار د شېرزادو اوسيدونکی ميرويس دملاريا ناروغۍ پرمهال اغزه کی، شمه کی ، مستياره او ترخه ټکوي او خوري يې . ډاکتران پدې ناروغۍ اخته کسانو ته لارښوونه کوي چې پخپل سر دوا ونه خوري بلکې د ډاکټر له لارښونې سره سم دې دوا وخوړل شي.  | | | دملاريا پارازيت د وينې له لارې ځيګر ته ځي او هلته د خپل ژوند يوه برخه تېروي. |
دملارياد ناروغۍ د مخنيوي لپاره بايد پدې ناروغۍ داخته كس ژر درملنه وشي، ډيرانونه اودخوسا اوبو ډنډونه دې له مينځه يووړل شي. همدا راز د كوټو كړكيو ته جالي نېول او د خوب پرمهال له ځانګړو پشه خانو څخه ګټه اخيستل ددې ناروغۍ په مخنيوي کې ګټور دي. | 
له دې ځايه واورئ!
د آبادۍ غږ : د پوليسو ګزمه 