دغه اداره دپينځوتنو کميشنرانو له خوا اداره کيږي ، چې درې تنه يې بهرني اتباع او دوه تنه يې افغانان دي.
دکميسيون درې تنه نړيوال کمشنران د افغانستان په چارو کې د ملګرو ملتونو د ځانګړ ي استازي له خوا دغه کميسيون ته ورپېژندل شوي دي .
دندې يې د ټاکنوپه بهير کې دټاکنو له قانون څخه دسرغړونومخنيوی او د نوماندانو په نوملړ کې دنه بدلون يقيني کول دی.
همدا راز دا کميسيون د خلکو شکايتونه څيړي او په اړه يی پرېکړه کوي.
ددې کميسيون يو کمشنر ، فهيم حکيم، وويل چې د نوم ليکلو له مهاله تر دې دمه له (۳۰۰) څخه ډېرشکايتونه له دوی سره ثبت شوي دي.
د کميسيون دنده د ټاکنو ټوله پروسه په بر کې نيسي او د ټاکنو د پايلو له اعلانېدو دېرش ورځې وروسته پای ته رسېږي .
هرڅوک چې په ټاکنو کی ناقانونه سرغړونې ويني، کولای شي په هر ولايت کی د نوموړي کميسيون په سيمه ييزو څانګو کی خپل شکايتونه ثبت کړي.
له دې ځايه واورئ!
د آبادۍ غږ : د پوليسو ګزمه 