عبدالنافع همت

	ميرمنې هم کولای شي د خپلې کورنۍ لپاره يوه مړۍ حلاله روزي پيدا کړي.

له دې ځايه واورئ !

په افغانستان کې ځينې ميرمنې، چې د بيلابيلو لاملونو له لاسه کونډې شوې ، له خپلو ماشومانو سره يواځې ژوند کوي او کوم سرپرست نه لري.

په دوی کې ډيری بېوسه دي او نه شي کولای خپلو ماشومانوته نفقه برابره کړي. په دې اړه د کابل ښار يوه اوسيدونکې مريم وايي:

" شپږ ماشومان لرم، اقتصادي وضع مو ښه نه ده، نه شم کولای د خپلو ماشومانو خوراک او د ژوند نورې اړتياوي په سمه توګه برابرې کړم.))

خو د کابل ښار يوه بله اوسيدونکې نسيمه بيا وايي:

" د خاوند له معيوبيت وروسته د کورنۍ ټول مسوليت ماته را پاتې شو، خياطي کوم، چرګان ساتم او له دې لارې د خپلو ماشومانو ساتنه کوم.

	مېرمنې کولای شي خپلوکارونوته مهالوېش جوړکړي اوهرکارپه خپل وخت ترسره کړي.

د دوی لومړنۍ اړتياوي ور پوره کوم اوپه درسونو کې هم مرسته ورسره کوم، د کارونو لپاره مې يو مهالوېش جوړکړی، او هر کار په خپل وخت ترسره کوم."

ميرمن نسيمې دخپلوخبروپه پای کې وويل :

" د خپلې کورنۍاقتصادي ستونزې مې ترډېره بريده هوارې کړي چی بل ته احتياج نه شم او په خپل ځان متکي و اوسم. "