عبدالنافع همت
|  |
لکه څنګه چې د افغانستان په ځينو سيمو کې خلک د خوښۍ په مراسمو کې درانه لګښتونه کوي، همداشان دغم په مراسموکې هم صرفه جويي نه کوي. دې کاربېوزله خلک هم اړ کړي چې دغه تاوان ته اوږه ورکړي . د کابل ښار يوه اوسېدونکې مېرمن نجلا په دې باب وايي : ” کله چې زما اکا مړ شو په لومړۍ ورځ مو د ډېر غم له امله د مېلمنو عزت ته پام نه و، ځينو خلکو پېغور راکړ چې د مېلمنو عزت مو و نه کړای شو." د فراه ولايت يو اوسېدونکی شريف ددې ستونزې د اوارۍ په باب وايي : ” زموږ په سيمه کې چې څوک مړ شي خپلوان، کليوال او ګاونډيان يې فاتحې ته راځي خو د ډوډۍ پر مهمال بيرته خپلو کورونو ته ځي ." د کابل پوهنتون دشرعياتو د پوهنځي استاد صمد کرامت وايي : ” د اسلام له نظره د مړي په کور کې تر دريو ورځو پورې خوراک، څښاک حرام دی “. ځينو خلکو دغه ټکي ته پام کړی دی .د بدخشان ولايت دفيض آباد اوسېدونکی حسيب الله وايي : ” زموږ په سيمه کې څوک د مړي د کور ډوډۍ نه خوري. | | | داسلام له نظره د مړي په کور کې تر دريو ورځو پورې خوراک، څښاک ،حرام دی . |
هغه خلک چې له ليرو سيمو راغلي وي، ګاونډيان او خپلوان د خپل وس او توان په اندازه ډوډۍ ورکوي“ . د غزني ولايت يو اوسېدونکی تاج محمد بيا د يوې بلې تجربې يادونه کوي : ” زموږ د سيمې مشرانو پرېکړه کړې ، هغه څوک چې د فاتحې په مراسمو کې درانه لګښتونه کوي بايد ناغه شي ." | 
له دې ځايه واورئ!
د آبادۍ غږ : د پوليسو ګزمه 