 | | | | | | | |||||||||||||||||||||||||||||||||||||||||||||||||||||||||||||||||||||||||||||||||||||||||||||||
| | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
د ولس خبرې : قانون | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
دهر هېواددولت ددې لۀ پاره، چې تر واک لاندې سيمه کې يې امن ټينګ شي او ورځنې چارې يې پۀ سمه توګه پرمخ و لاړې شي خپل قوانين جوړوي . خوقانون څۀ ته وايي؟ د ننګرهار اوسېدونکی خيرالله يې پۀ اړه مالومات راکړل:"قانون يو داسې شی دی چې پۀ يوه سيمه يا هېواد کې د ټولو خلکو حق پۀ ګوته کوي." يو تن دولتي ما مور مسعود قانون داسې راوپېژاندۀ:" قانون يو سند دی چې پۀ يوه ټولنه کې د وګړو د ژوند د ښه کېدا پۀ موخه ددولتونو لۀ خوا جوړيږي لکه : مونږ پۀ کور کې دا منلې، چې څوک به د شپې ناوخته کورته نه راځي. دا زمونږ د کورنۍ پۀ کچه يو قانون دی. همداسې پۀ هېوادونو کې هم قانون هغه څه وي، چې د يوې ټولنې د تنظيم لپاره جوړيږي . لکه: د ترافيکو قانون چې څوک کولای شي د موټر چلولو لايسنس ولري او پۀ دې اړوند نورې خبرې هم پۀ دغه قانون کې راغلي چې خلکو سره مرسته وکړي ."
پۀ ټوله کې قوانين کوم ډولونه لري؟ د کابل پوهنتون د حقوقو اوسياسي علومو استاد ودير صافي يې په اړه وويل:" پۀ يوۀ هېواد کې قوانين د اساسي قانون لۀ مخې جوړيږي او بيلابيل ډولونه لري . يانې د ژوندانۀ پۀ هره برخه کې قوانين شته،لکه: د سوداګرۍ قانون ،د جزا قانون او يا هم د سياست قانون ، چې دا ټول قوانين د اساسي قانون پۀ رڼا کې جوړيږي . لکه : ديوۀ هېواد په اساسي قانون کې راغلي وي، چې د هېواد ولسمشر به د خلکو پۀ رايه ټاکل کېږي.له دغې يوې مادې نۀ يو بشپړ قانون جوړيږي ( د انتخاباتو قانون )." پۀافغانستان کې چې يوه اداره يا وزارت خپل اړوند قانون جوړ کړي، ولسي جرګې ته يې د تصويب لۀ پاره وړي، ځکه چې پۀ اساسي قانون کې دا دنده ملي شورا ته سپارل شوې . د ولسي جرګې غړي عبدالکبير رنجبردقوانينوپۀ تصويب کې دولسي جرګې دواک پۀ اړه وويل:" ولسي جرګه د قوانينو د تصويب پۀ حال کې کولای شي پۀ قانون کې دبدلون وړانديز وکړي .
يا هم پۀ بشپړ ډول د قانون يوه طرحه رد او پر ځای يې د بلې طرحې وړانديز وکړي ، خو ولسي جرګه دا هر څه د خلکو د غوښتنواو اړتياوو پربنسټ کوي . ځکه چې د قوانينو د تصويب اوليدلو دنده ولسي جرګې ته ورکړل شوې ده." قانون پۀ ټولنه کې د ټولنېز نظم د راوستو پۀ موخه جوړيږي او د خلکو د ژوندانۀ د پرمختګ لۀ پاره هغوی ته لاره هواروي . |
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
خپرونه له دې ځايه واوری !
قانون پۀ ټولنه کې د ټولنېز نظم د راوستو پۀ موخه جوړيږي او د خلکو د ژوندانۀ د پرمختګ لۀ پاره لاره هواروي . 
د آبادۍ غږ : د پوليسو ګزمه 