ذبيح الله شاکر

	له اتلس کالو نه د ټيټ منګ (عمر ) ماشومانو ته سختې سزاګانې نۀ ورکول کيږي

خو ماشومانو ته د هغوئ د سرغړونو سزا ورکول جواز لري ؟ فيض الله وويل :

خپرونه له دې ځايه واور ئ !

(( که ماشوم يا لوی ته دجرم سزا ورنکړل شي ښايي نورخلک هم جرمونه وکړي )) خو د کابل ښار اوسېدونکي الياس کاکړ وويل:

(( ماشومانوته د هغوئ د سرغړونو سزا ورکول جواز نه لري، ځکه چې هغوئ پۀ ښواو بدو نۀ پوهيږي، که سزا ورکړل شي ښايي لۀ هر څۀ زړۀ تورن شي ))

د افغانستان د بشري حقونو د خپلواک کميسيون حقوقي سلاکار محمد محسن فريد په دې اړه داسې وويل :

(( ماشومانو ته د مجرم کليمه نۀ کارول کيږي، بلکې سرغړوونکي ګڼل کيږي. دسزا ورکړې پر ځای يې دسمون ( اصلاح ) لارې چارې لټول کيږي .

ماشوم مجرم نه بلکې سرغړوونکی بلل کيږي، د سزاورکړې پر ځای يې بايدد اصلاح لارې چارې ولټول شي.

ماشومان د سمون او روزنې پۀ مرکزونو کې له درې مياشتو نه تر پېنځو کالو پورې ساتل کيږي، چې دا هم پخپله يو ډول سزا ده. ))

خو د اسلام دين پۀ دې اړه څۀ وايي؟ مولوي عبدالرحيم وويل: (( هغه سزاګانې چې د اتلس کالو نه د ډېر عمرخلکو ته ټاکل شوي، ماشومانو ته نه ورکول کيږی .

لکه:که لويان وژنه ( قتل ) وکړي قصاصيږي، خو ماشومان نۀ قصا صيږي،ځکه چې ماشومانو ته سختې سزاګانې نۀ ورکول کيږي.))

د خو ست اوسېدونکي سردار وويل : (( ماشومان د ښو او بدو توپير نۀ شي کولای ، داسې عمر ته نۀ وي رسېدلي چې کومه پريکړه دې وکړای شي ،سزابايد ورنکړل شي . ))

خوکه ماشوم ته د لويانو پۀ څېر سزا ورکړل شي اغېزه به يې څۀ وي؟ محمد محسن فريد وويل:

	ماشومانو ته سزاورکول د هغوئ وده اغېزمنوي، د اصلاح مخنيوی يې کوي او ښايي زړه تورن شي.

(( ماشومانو ته سخته سزاورکول د هغوئ وده اغيزمنوي، د اصلاح مخنيوی يې کوي او سزا ورکړې سره ښايي زړه تورن هم شي . ))

د ماشومانو دسرغړونو قانون د (٥٧ ) مادې پربنسټ هغه ماشومان چې اتلس کاله منګ يې نۀ وي بشپړ کړی، پلرونه او ميندې يې قانوني سرپرستي پر غاړه لري.

تاسو د خپلو ماشومانو د ښې راتلونکې له پاره څۀ کولای شئ، او څنګه کولای شئ چې د سرغړونو پروړاندې هغوئ سره ښۀ چلند وکړئ!