طوبی ندا صافۍ

د لوګر ولايت يوې اوسېدونکې مېرمنې وويل : ״ ما په کور کې زېږون وکړ، تشې متيازې مې بېواکه شوې، پۀ لامل يې و نۀ پوهېدم چې ولې داسې وشول ؟ ״

څېړنودا جوته کړې چې ډېرې مېرمنې پۀ کورونو کې پۀ ناسته زېږون ( ولادت ) کوي، خو ډاکټران وايي چې زېږون بايد پۀ ملاسته تر سره شي .

خپرونه له دې ځايه واورئ !

يوې مېرمنې چې د دايې تر څارنې لاندې يې زيږون کړی وويل: ״پۀ کورکې مې زېږون وکړ،تشې متيازې مې بېواکه شوې، اوس لۀ شرمه چېرته تلای نه شم،د نس کښته برخه مې خوږ هم ورسره لري . ״

ډاکټرې مستورې مقصودي وويل: ״که ميرمنې پۀ ناسته زېږون وکړي يا له زيږون نه مخکې زور ووهي پۀ مثانه اوعضلاتي غړو يې زور راځي اودتشومتيازو مخنيوی کوي ،

د انرژي لرونکو خوړو خوړل دبدن غړي غښتلي کوي، د زيږون پر مهال يې لۀ څيرې کېدو مخنيوی کوي .

دغه زور وهل د تشو متيازوکوونکو غړو د سستېدو يا څيرې کېدو لامل ګرځي،چې ورسره تشې متيازې بېواکه کېږي، دا ستونزه خپګان سره نوره هم ډېريږي ״

يوې مېرمنې د نوموړې ناروغۍ څخه د ښۀ کېدوپۀ موخه د زړۀ خوالۀ کړي: ״ زه تاودۀ څيزونه خورم، لکه زنجفيلي چای ، دغوزانو دګل اوماچ ،هوږه ، هګۍ .... نس او ملامې پۀ زيتون او تورو تيلوهم غوړوم . ״

د تشومتيازو بېواکي (د تشو متيازو له واکه وتل )،د دې ناروغۍ په ترڅ کې ځينې مېرمنې کورني درمل کاروي، خو ډاکټران پۀ دې اړه څۀ وايي :

״دغه ياد شوي کورني درمل تر يوه بريده ګټوردي، خو بشپړه درملنه نۀ ده ،ځکه چې له دې ناروغۍ سره دننه د بدن غړي څيرې کېدو سره مخ کيږي.

	دغه ډول ناروغان بايد ژر ډاکټر ته يووړل شي، کورنۍ دې د ناروغ رواني حالت ته پام وکړي .

دغه ډول ناروغان بايد ژرترژره ډاکټر ته ويوړل شي او کورنۍ دې د ناروغ رواني حالت ته پام وکړي .״

د اميدوارۍ پر مهال د انرژي لرونکو خواړو خوړل ډېره ګټه لري ،ځکه چې دبدن غړي غښتلي کوي او د زيږون پر مهال يې لۀ څيرې کېدو مخنيوی کوي

ميندې بايد لۀ دې ناروغۍ څخه د مخنيوي پۀ موخه هڅه وکړي چې پۀ روغتيايي مرکزونو کې زېږون وکړي،

پۀ دغې چارې به يې نۀ يواځې خپل ځان بلکې دماشوم روغتياته هم پاملرنه کړې وي.