Seann togalach Colaiste Diadhachd na Gàidhealtachd ga reic

Tha an togalach san robh Colaiste Diadhachd na Gàidhealtachd uair stèidhichte ann an Inbhir Pheofharain air a' mhargaidh agus thathar a' sireadh còrr is £295,000 air a shon.

Tha an togalach cloiche Ìre B aig ceann an ear de dh'Àrd-shràid a' bhaile.

Bha e uair na bhanca agus thogadh e mu 1835.

Tha am prìomh thogalach agus pìos a chaidh a chur ris aig a' chùl am measg na thathar a' reic agus a' sanasachd mar chothrom leasachaidh.

Tha a' cholaiste, a tha mar phàirt de dh'Oilthigh na Gàidhealtachd is nan Eilean, air a ràdh gu bheil iad a' gluasad a dh'Inbhir Nis an dèidh còrr is 30 bliadhna ann an Inbhir Pheofharain.