वैष्णवी पाटीलः लाल महालात लावणी, 'शुद्धीकरण' आणि माफीनामा, काय आहे प्रकरण?
फोटो स्रोत, Instagram
छत्रपती शिवाजी महाराजांचा वास्तव्य लाभलेल्या लाल महालमध्ये इन्स्टाग्रॅम स्टार वैष्णवी पाटीलने लावणी केल्याने मोठा गदारोळ माजला. या प्रकरणात गुन्हा दाखल झाल्यानंतर अडचणीत आलेल्या वैष्णवी पाटीलने आपल्या इन्स्टाग्रॅम अकाऊंटवरून सर्वांची माफी मागितली आहे.
"छत्रपती शिवाजी महाराजांच्या अस्मितेस ठेच पोहचवण्याचा माझा कधी हेतू नव्हता आणि पुढेही नसेल. अज्ञानातून माझ्याकडून ही चूक घडली. मला चूक मान्य असून यासाठी मी सर्वांची जाहीर माफी मागते," असं वैष्णवी पाटीलने माफीनाम्यात म्हटलं आहे.
वैष्णवी पाटीलचा लाल महालातील लावणी डान्स समोर आल्यानंतर शिवप्रेमींमध्ये संतापाची भावना निर्माण झाली होती.
अनेक संघटना आणि राजकीय नेत्यांनी या प्रकरणावर प्रतिक्रिया देऊन हा प्रकार योग्य नसल्याचं म्हटलं.
दरम्यान, लाल महालात डान्स केल्याप्रकरणी वैष्णवी पाटीलवर पुण्याच्या फरासखाना पोलीस ठाण्यात गुन्हा दाखल झाला होता.
पण, वैष्णवीने हे प्रकरण अंगलट येत असल्याचं पाहून तत्काळ सर्वांची माफी मागितली आहे. आता शिवप्रेमी आणि राजकीय संघटना या प्रकरणावर काय भूमिका घेतात, हे पाहणं महत्त्वाचं आहे.
काय आहे प्रकरण?
वैष्णवी पाटील ही इन्स्टाग्रॅम स्टार म्हणून सोशल मीडियावर प्रसिद्ध आहे. तिच्या इन्स्टाग्रॅम अकाऊंटवर 9 लाख 62 हजार फॉलोअर्स आहेत. विविध गाणी व डायलॉग यांच्यावर लिपसिंक तसंच नृत्य करणं, यासाठी ती प्रसिद्ध आहे.
वैष्णवी पाटीलने दोन दिवसांपूर्वी इन्स्टाग्रॅमवर एक व्हीडिओ पोस्ट केला होता. यामध्ये ती पुण्याच्या लाल महालात मध्यवर्ती ठिकाणी लावणीवर नृत्य करताना दिसते.
फोटो स्रोत, Instagram
लाल साडी आणि दागदागिने परिधान करून प्रसाद ओक दिग्दर्शित चंद्रमुखी चित्रपटातील चंद्रा या गाण्यावर वैष्णवीने हे नृत्य केलं.
वैष्णवीने हा व्हीडिओ तिच्या इन्स्टाग्रॅम अकाऊंटवर प्रसिद्ध करताच त्यावर विविध प्रकारच्या प्रतिक्रिया येऊ लागल्या. लाल महालात केलेल्या या नृत्यावर लोकांच्या बहुतांश नकारात्मक प्रतिक्रिया येत असल्याचं पाहून वैष्णवीने हा व्हीडिओ तत्काळ डिलीट केला.
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
Instagram पोस्ट समाप्त, 1
पण संभाजी ब्रिगेड, अखिल भारतीय मराठा महासंघासह राजकीय नेत्यांनी या प्रकारावर तीव्र आक्षेप नोंदवत संबंधितांवर कडक कारवाई करण्याची मागणी केल्याचं दिसून आलं.
लाल महालचं 'शुद्धीकरण'
दरम्यान, लावणी प्रकरणानंतर अखिल भारतीय मराठा महासंघाकडून लाल महालाचं 'शुद्धीकरण' करण्यात आलं. जिजाऊंच्या आठवणींचा ऐतिहासिक वारसा असणाऱ्या लाल महालामध्ये अशा गाण्यांचं चित्रीकरण होणं हा लाल महालाचा अपमान आहे, त्यामुळे हे शुद्धीकरण करत असल्याचं महासंघाच्या पदाधिकाऱ्यांनी सांगितलं.
यावेळी ज्याठिकाणी वैष्णवी पाटीलने नृत्याचं शूटिंग केलं, तिथं मराठा महासंघाच्या कार्यकर्त्यांनी पूजेच्या पानांच्या साहाय्याने गोमूत्र तसंच गुलाबपाणी शिंपडलं. तसंच माता जिजाऊंच्या पुतळ्याला दुग्धाभिषेक करून पुष्पहार अर्पण करण्यात आला.
लाल महाल हे लावणी करण्याचं ठिकाण नाही. या घटनेचा आम्ही निषेध करतो. लाल महालाचा अशा प्रकारे अनादर आम्ही सहन करणार नाही. अशी घटना यापुढे कधीही घडू नये, याची प्रशासनाने काळजी घ्यावी, अशी प्रतिक्रिया महासंघाच्या कार्यकर्त्यांनी दिली. पण या 'शुद्धीकरणा'वरून आता नवा निर्माण होताना दिसत आहे.
शिवप्रेमींकडून संताप, अटकेची मागणी
"पुणे महानगरपालिकेने लाल महाल लोकांसाठी बंद ठेवला. मात्र तिथे सिनेमातील गाण्यांवर तसेच तमाशातील गाण्यांवर डान्स करण्याचा कार्यक्रम सुरु आहे. इतकी वाईट अवस्था लाल महालाची झाली आहे. महाराष्ट्राच्या स्मृतीस्थळावर असं बिभत्स पद्धतीने गाणं वाजवलं जातं, डान्स केला जातो. मला पुण्याच्या पोलीस आयुक्तांना विनंती करायची आहे, तुम्ही याच जातीने लक्ष घालून फरासखाना पोलीस ठाण्याच्या अधिकाऱ्यांना तातडीने संबंधितांवर गुन्हे दाखल करण्याचे आदेश द्या", अशी मागणी संभाजी ब्रिगेडच्या संतोष शिंदे यांनी केली.
"एका फालतू रिलसाठी वंदनीय छत्रपतींच्या स्मृतींनी पावन झालेल्या वास्तूत लावणी करून त्याचे पावित्र्य भंग करणाऱ्या दोषींना फक्त अटक नाही तर तात्काळ कारवाई करून अद्दल घडेल असा धडा पुणे पोलिसांनी शिकवावा," अशी मागणी भाजप नेत्या चित्रा वाघ यांनी ट्वीट करून केली.
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
X पोस्ट समाप्त, 1
वाघ यांच्याप्रमाणेच मंत्री आण राष्ट्रवादी काँग्रेस नेते जितेंद्र आव्हाड यांनीही याबाबत प्रतिक्रिया दिली.
"पुण्यातला शिवाजी महाराजांचा लाल महाल ही वास्तू नाच गाण्यांचे चित्रीकरण करण्याची जागा नव्हे, यापुढे होता कामा नाही, कोणी केले असेल तर ते चित्रीकरण वापरू नका", असं आव्हाड म्हणाले.
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
X पोस्ट समाप्त, 2
पुणे राष्ट्रवादी काँग्रेसने तर वैष्णवी पाटील आणि तिच्या सहकाऱ्यांना अटक करण्याची मागणी केली.
"लाल महाल ही पुण्यातील ऐतिहासिक भूमी आहे. जिथे जिजाऊंनी शिवरांयांना स्वराज्याचे धडे दिले. त्याच लाल महालात अशा प्रकारचं कृत्य करणं लज्जास्पद आहे. महिला दिनाला याच महालात आम्ही आदर्श पुरस्कार दिले. याच ठिकाणी पारंपरिक आणि ऐतिहासिक कार्यक्रम होतात. याआधी अशा प्रकारचं कृत्य कधीही घडलं नाही. त्यामुळे यांना अटक झाली पाहिजे, अशी मागणी राष्ट्रवादीतर्फे करण्यात आली.
छत्रपती शिवाजी महाराजांचे वंशज उदयनराजे भोसले यांनीही वैष्णवीवर कारवाई करण्याची मागणी केली.
ते म्हणाले, "ऐतिहासिक लालमहालात नाच-गाण्यांचे चित्रीकरण करणाऱ्यांवर कारवाई करा. ही ऐतिहासिक वास्तू असून या वास्तूला फार मोठा इतिहास आहे. त्यामुळे लालमहाल हा संपूर्ण शिवप्रेमींची व महाराष्ट्राची अस्मिता आहे."
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
X पोस्ट समाप्त, 3
वैष्णवी पाटीलचा माफीनामा
लाल महालात नृत्य केल्याप्रकरणी इन्स्टाग्रॅम स्टार वैष्णवी पाटीलसह तिच्या सहकाऱ्यांवर फरासखाना पोलीस ठाण्यात गुन्हा दाखल करण्यात आला.
लाल महालामध्ये लावणी नृत्य सादर करून त्याची ध्वनीचित्रफीत समाज माध्यमावर प्रसारित करून भावना दुखावल्याप्रकरणी पोलिसांनी हा गुन्हा दाखल केला. या प्रकरणात रखवालदार राकेश सोनवणे यांनी फिर्याद दिली.
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
Instagram पोस्ट समाप्त, 2
प्रकरण अंगलट येत असल्याचं पाहून वैष्णवी पाटीलने तत्काळ एक व्हीडिओ तिच्या इन्स्टाग्रॅम अकाऊंटवर प्रसिद्ध केला. यामध्ये तिने आपली चूक मान्य करून सर्व शिवप्रेमींची माफी मागितली.
माफीनाम्यात वैष्णवीने म्हटलं, "एक गोष्ट मला तुमच्यासोबत शेअर करायची आहे. कारण तुम्ही आहात म्हणून मी आहे. काही दिवसांपूर्वी लाल महालात मी चंद्रा गाण्यावर व्हीडिओ केला होता. मी जेव्हा तो व्हीडिओ केला तेव्हा माझ्या ध्यानीमनीही पुढे असं काही होईल याचा विचार आला नाही. कुणाचंही मन दुखावण्याचा, शिवप्रेमींचं मन दुखावण्याचा माझा कोणताही हेतू नव्हता."
"ज्या क्षणी मला माझ्याकडून चूक झाली हे कळलं त्याक्षणी मी तो व्हीडिओ डिलीट केला होता. परंतू मी तो व्हीडिओ डिलीट करण्याआधीच माझ्या चाहत्यांनी तो व्हीडिओ व्हायरल केला. मी सर्वांना तर सांगू शकत नाही, पण मी माझ्या सोशल मीडिया अकाऊंटवरून तो व्हीडिओ डिलीट केला. आताही मी माझ्या चाहत्यांना व्यक्तिगतपणे तो व्हिडीओ डिलीट करण्यास सांगत आहे," असं आवाहन वैष्णवीने केलं.
"माझ्याकडून लालमहालात लावणी व्हीडिओ शूट करण्याची चूक झाली आहे. माझ्या मनात काहीच नव्हतं. मी जाणूनबुजून केलं असंही नाही. असा विचार मी माझ्या स्वप्नातही करू शकत नाही. गाणं चांगलं होतं म्हणून मी तो व्हीडिओ केला. परंतू ही चुकी माझ्याकडून झाली. ही चूक मी मान्य करते. तुमच्याप्रमाणेच मीही एक शिवप्रेमी आहे. सर्व शिवप्रेमी आणि माझ्या चाहत्यांची मी माफी मागते. तसेच जिजाऊ माँसाहेब आणि छत्रपती शिवाजी महाराज यांच्या अस्मितेला धक्का बसेल असा माझा हेतू नव्हता," असं म्हणत वैष्णवीने सर्वांची माफी मागितली.
या मुद्द्यावर राजकारण करू नका - सुरेखा पुणेकर
दरम्यान लावणी सम्राज्ञी यांनीही या प्रकारावर नाराजी व्यक्त केली. त्या म्हणाल्या, "लावणीसाठी भरपूर व्यासपीठ दिले आहेत. वैष्णवीने ऐतिहासिक ठिकाणी लावणी करायला नको होती. पण यावरुन जे राजकारण सुरु आहे. लावणी महाराष्ट्राची शान आहे. त्यामुळे त्यावरुन राजकारण करु नका. हे चुकीचं आहे."
हेही वाचलंत का?
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
YouTube पोस्ट समाप्त
(बीबीसी न्यूज मराठीचे सर्व अपडेट्स मिळवण्यासाठी आम्हाला YouTube, Facebook, Instagram आणि Twitter वर नक्की फॉलो करा.
बीबीसी न्यूज मराठीच्या सगळ्या बातम्या तुम्ही Jio TV app वर पाहू शकता.
'सोपी गोष्ट' आणि '3 गोष्टी' हे मराठीतले बातम्यांचे पहिले पॉडकास्ट्स तुम्ही Gaana, Spotify, JioSaavn आणि Apple Podcasts इथे ऐकू शकता.)
