अर्थसंकल्पीय अधिवेशन: मराठवाडा आणि विदर्भ वैधानिक विकास महामंडळावरून विरोधक आक्रमक
फोटो स्रोत, Getty Images
विधिमंडळाच्या अर्थसंकल्पीय अधिवेशनाला आजपासून सुरुवात झाली. मराठवाडा आणि विदर्भ विकास महामंडळाची स्थापना करण्याचा मुद्दा विरोधी पक्षातील नेते सुधीर मुनगंटीवार यांनी लावून धरला.
मराठवाडा आणि विदर्भाचे लोक हे भीक मागत नाहीयेत हा आमचा अधिकार आहे.
उपमुख्यमंत्री अजित पवार यांनी सांगितले की मराठवाडा आणि विदर्भासहित कोकण विकास महामंडळाची देखील स्थापना केली जाईल.
राज्यपालांचे अभिभाषण
महाराष्ट्राचे राज्यपाल भगतसिंह कोश्यारी यांनी आज अर्थसंकल्पीय अधिवेशनाचे अभिभाषण मराठीतून केले. याआधी देखील त्यांनी मराठीतूनच अभिभाषण केले आहे.
गेल्या वर्षभरात सरकारने केलेल्या कामांचा लेखाजोखा राज्यपालांनी मांडला. कोरोनाच्या कठीण काळात सरकारने उत्तम काम केल्याचे त्यांनी आपल्या अभिभाषणात म्हटले आहे.
फोटो स्रोत, Getty Images
महाराष्ट्र विधानसभेच्या अर्थसंकल्पीय अधिवेशनाला राज्यपाल भगतसिंह कोश्यारी यांच्या अभिभाषणाने सुरुवात झाली. या अभिभाषणात राज्यपालांनी राज्य सरकारच्या कामांची, मदतनिधीची, आर्थिक स्थितीची माहिती दिली.
यावेळी राज्यापालांनी अभिभाषणात वस्तू आणि सेवा कराच्या भरपाई रकमेचाही उल्लेख केला. ते म्हणाले, 29 हजार 290 कोटी रुपयांची GST ची भरपाई केंद्राकडून येणं बाकी आहे.
"महाराष्ट्रात आरोग्य सुविधांमध्ये मोठ्या प्रमाणात वाढ झाली. कोरोना काळात जम्बो हॉस्पिटल सुरू करणारं महाराष्ट्र पहिलं राज्य आहे. कोरोनामुक्तीसाठी 'माझे कुटुंब माझी जबाबदारी' योजना राबवली," असं राज्यपाल म्हणाले.
महाराष्ट्र सरकारने राबवलेल्या कर्जमाफी योजनेचा 30 लाख शेतकऱ्यांना फायदा झाल्याचंही राज्यपाल म्हणाले.
राज्यपालांच्या अभिभाषणातील महत्त्वाचे मुद्दे :
- 19 हजार 684 कोटी रुपये शेतकरी कर्ज परतफेड केली
- आर्थिक अडचणी असतानाही शेतकऱ्यांना मदत केली
- 1500 हेक्टर क्षेत्र कांदळवनं घोषित करण्यासाठी प्रक्रिया सुरू
- बांधकाम मजुरांसाठी 462 कोटी रुपयांचं अर्थसहाय्य दिलं
- मुंबई शहराच्या मध्यवर्ती असलेली जवळपास 800 एकर आरेची जमीन राखीव केली आहे
- शेतकऱ्यांना बाजारपेठ मिळवून 2100 कोटी रुपये दिले
- अतिजोखमीच्या नागरिकांचे विशेष संरक्षण करण्यात आले
- राज्याचा आरोग्य नकाशा तयार करण्यात आला
- नागरिकांच्या सहभागाने कोरोना साथरोगावर नियंत्रण मिळवलं
- कोरोनाबाबत आपण सतत दक्ष राहण्याची आवश्यकता आहे
- नंदुरबार इथं वैद्यकीय महाविद्यालय सुरू करण्यात आलं आहे
- उस्मानाबाद, सिंधुदुर्ग, नाशिक इथं नवीन वैद्यकीय महाविद्यालयं सुरू करण्यास परवानगी
- राज्यात आजच्या घडीला 500 प्रयोगशाळा कार्यरत आहेत
- कोरोनामुळे राज्याची अर्थव्यवस्था कोलमडली
- कोरोनामुळे राज्याच्या महसुलात 35 टक्के घट झाली
- महसुलात घट होऊनही निधी कमी पडू दिला नाही
हे वाचलंत का?
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
YouTube पोस्ट समाप्त
(बीबीसी मराठीचे सर्व अपडेट्स मिळवण्यासाठी तुम्ही आम्हाला फेसबुक, इन्स्टाग्राम, यूट्यूब, ट्विटर वर फॉलो करू शकता.'बीबीसी विश्व' रोज संध्याकाळी 7 वाजता JioTV अॅप आणि यूट्यूबवर नक्की पाहा.)
