मध्य प्रदेश निकाल : काँग्रेसचा सत्ता स्थापनेचा दावा; मायावती, अखिलेश यादवांनी जाहीर केला पाठिंबा

मध्य प्रदेशात अखेर चित्र स्पष्ट होऊ लागलं आहे. मतमोजणीनंतर काँग्रेसला 114 तर भाजपला 109 जागा मिळाल्या असून आता बहुजन समाज पार्टीच्या दोन आमदारांसह मायावतींनी काँग्रेसला पाठिंबा देऊ केला आहे. शिवाय इथे समाजवादी पार्टीला एक आणि चार जागा अपक्ष उमेदवारांना मिळाल्या आहेत.

दरम्यान, मध्य प्रदेश काँग्रेसचे अध्यक्ष कमल नाथ यांनी मंगळवारी रात्रीच राज्यपाल आनंदीबेन पटेल यांना पत्र पाठवून सत्ता स्थापनेसाठी दावा करण्यासाठी वेळ मागितली आहे. त्यामुळे आता चेंडू पटेल यांच्या कोर्टात आहे, ज्यांच्या हाती नरेंद्र मोदी यांनी पंतप्रधान झाल्यानंतर गुजरातच्या मुख्यमंत्रिपदाची धुरा सोपवली होती.

बुधवार सकाळी 10.50 : हाती-पंजा एक साथ

नुकत्याच आलेल्या निकालावरून दिसून येतं की, छत्तीसगड, राजस्थान आणि मध्य प्रदेश येथील सामान्य जनता भाजपच्या पूर्णपणे विरोधात आहेत. भाजपची लोकविरोधी धोरणं या पराभवाला कारणीभूत आहेत. त्यामुळे मग लोकांनी पर्याय म्हणून काँग्रेसला निवडून देणं पसंत केलं.

"आमचा काँग्रेसच्या अनेक धोरणांना विरोध आहे, काही मुद्दे पटत नाहीत, पण भाजपला सत्तेपासून दूर ठेवण्यासाठी आम्ही मध्य प्रदेशात काँग्रेसला पूर्ण पाठिंबा देण्यास तयार आहोत," असं मायावती ANI शी बोलताना म्हणाल्या.

रात्री 11.10 : मध्य प्रदेशात काँग्रेसचा सत्ता स्थापनेचा दावा करणार

मध्य प्रदेश काँग्रेसचे अध्यक्ष कमल नाथ यांनी राज्यपाल आनंदीबेन पटेल यांना पत्र पाठवून सत्तास्थापनेसाठी दावा करण्यासाठी वेळ मागितली.

संध्याकाळी - 6.44 - अटीतटीची लढत कायम

संध्याकाळी 5.16 - काँग्रेसची बहुमतापेक्षा जास्त आकड्याची आघाडी

दुपारी 4.23 - काँग्रेस आघाडीवर

दुपारी 4.05 - काँग्रेस आघाडीवर

दुपारी 3.37 - वोट शेअरसाठी सुद्धा लढाई

काँग्रेसच्या मतांच्या टक्केवारीत वाढ झाली आहे. निवडणूक आयोगाच्या आकड्यांनुसार त्यांना आतपर्यंत 41.2 टक्के मतं मिळाली आहेत. तर भाजपच्या खात्यात 41.3 टक्के मतं आली आहेत. अपक्ष उमेदवारांना तब्बल 6 टक्के मतं मिळाली आहेत. बसपला 4.6 तर 1.5 टक्के मतं नोटा म्हणून रजिस्टर झाली आहेत.

दुपारी 3.30 - विभागवार आकडेवारी

दुपारी 3.20 - बसप ठरणार किंगमेकर

मध्य प्रदेशातल्या सध्याच्या स्थितीबाबत इंदूरमधले ज्येष्ठ पत्रकार अरविंद तिवारी यांचे विश्लेषण : -

आता फक्त 20 राउंड झाले आहेत. अजून 30 राउंड शिल्लक आहेत. त्यामुळे अजून चित्र स्पष्ट झालं आहे असं म्हणता येणार नाही, पण काँग्रेसला 116 -117 जागा मिळण्याची शक्यता आहे. मालवा-निमाड भागात काँग्रेस चांगली कामगिरी करताना दिसत आहेत. जे त्यांच्या पथ्यावर पडू शकतं.

शिवराज सिंग चौहान यांची प्रतिमा चांगली आहे, त्याचा त्यांना फायदा होताना दिसत आहे. शिवराज यांची लोकांमध्ये असलेली पकड आणि त्यांनी केलेली विकास कामं त्यांना फायदेशीर ठरत आहेत.

पण त्याचवेळी खुल्या प्रवर्गातील जातींची नाराजी आणि पक्षातल्या 63 लोकांनी केलेली बंडखोरी त्यांना महागात पडताना दिसत आहे.

सपामुळे काँग्रेस फायदा होईल असं वाटत होतं. पण तसं होताना दिसत नाही.

काँग्रेसनं कमलनाथ यांना मायवती यांच्याशी चर्चा करण्याची जबाबदारी दिली आहे. तसंच कमलनाथ आणि त्यांचे संबंध चांगले आहेत. त्याचा काँग्रेसला फायदा होऊ शकतो.

तसंच काँग्रेसनं ज्योतिरादित्य यांना सपा तर दिग्विजय यांना अपक्षांशी संपर्क करण्याची जबाबदारी दिली आहे.

दुपारी 3 वाजता - काँग्रेसची आघाडी, पण बहुमत नाही

काँग्रस नेते ज्योतिरादित्य सिंधिया यांनी सोशल मीडियावर व्हीडिओ जारी करून लोकांचे आभार मानले आहेत.

हेही वाचलंत का?

(बीबीसी मराठीचे सर्व अपडेट्स मिळवण्यासाठी तुम्ही आम्हाला फेसबुक, इन्स्टाग्राम, यूट्यूब, ट्विटर वर फॉलो करू शकता.)