Күлүк күнүндө: таштандыга ыргытылган ретро-автоунаалар

Дитер Кляйн Европа менен Американы кыдырып, ташталып, керектен чыккан унаалардын сүрөттөрүн тартты.

Немис сүрөтчүсүнүн дат баскан, ташталган автоунаалары сарайда, короодо же керилген талаада, чытырман токойдун арасында. Айтор бир учурда кан жолдо зымырап жүргөн автоунаалар ар кайсыл жерде чирип, чаңга аралашып турат.

Дитер саякаттап жүрүп, жолунан түрдүү үлгүдөгү автоунааларды көрдү. Айрымдары урулган, аварияга учураган, кээсинин эскилиги жеткен. "Порш","Кадиллак", "Фольксваген", ал тургай таштандылар арасынан жип автоунаасынын бүтүндөй автопаркын кезиктирген.

160 сүрөттүн ичинде өз маалында өтө жогору бааланган, кийин таштандыга айланган ретро-автоунаалар көп. Убакыт менен табият алчусун ала берет турбайбы деп ойлонот муну көргөн киши. "Күлүк күнүндө, тулпар тушунда" деген ушул.

"Бул объектилерге музейдеги буюмдай урмат менен мамиле кылам. Кээде эле эшиктерин ачып, кайра жаап калбасам, көбүнчө сүрөткө тартып жатканда аларга кол тийгизбейм",-дейт сүрөтчү.

"Форд" 1907-жылы чыгарылган. Өтө сейрек кездешкен автоунаа.

"Додж" 1960-жылы чыккан автоунаа, Монтана штатында тартылган сүрөт.

"Бул автоунаанын жашы 70ке таяп калган ээси мага анын тарыхын айтып берди. Атасы автоунааны ушул жерге токтотуп, эки күндөн кийин жарык дүйнө менен кош айтышкан экен. Ошондон кийин уулу унаага кол тийгизген эмес. Андан бери 43 жыл өтүптүр",-деп эскерет сүрөтчү.

Сүрөттүн автордук укугу Dieter Klein / teNeues таандык.