Cuspóir: Cuidigh leis na páistí na háiseanna sa scoil a fheabhsú. Tá dinnéir na scoile míshláintiúil, tá na leithris cáidheach agus níl sa leabharlann ach seanrudaí briste. Mar is gnách, níl gach duine ar aon intinn maidir le cad é ba chóir a dhéanamh.
Is í Máire an ball grúpa a chuireann an ghníomhaíocht seo i láthair agus beidh sí ar fáil le comhairle a chur ort más gá.
Carachtair
Is iad Tomás, Muireann, Eithne, An tUasal Mac Muiris agus Bean Uí Cheallaigh na ceithre charachtar a chaithfidh tú a shásamh.
Ba mhaith le Tomás, dalta de chuid na scoile:
•airgead a bhailiú leis na leithris a fheabhsú
•níos mó ríomhairí don leabharlann.
Ba mhaith le Muireann, dalta de chuid na scoile:
•dinnéir scoile níos sláintiúla
•bialann scoile níos fearr
•rialacha nua le stad a chur le tromaíocht
•go mbeadh cead ag daoine áitiúla úsáid a bhaint as an leabharlann
•níos mo ríomhairí.
Ba mhaith le hEithne, dalta de chuid na scoile:
•go mbeadh cead ag daoine áitiúla úsáid a bhaint as an leabharlann
•leithris níos fearr.
Ba mhaith leis an Uasal Morris, príomhoide na scoile:
•teacht ar chomhréiteach maidir le dinnéir na scoile
•caidreamh níos fearr leis an phobal
•a fháil amach cad é ba mhaith leis na páistí a ithe
•áiseanna leabharlainne níos fearr
•cuireadh a chur ar dhaoine áitiúla teacht chun na scoile
•leithris níos fearr.
Is é ba mhaith le Bean Uí Cheallaigh, tuismitheoir agus bean lóin:
•leithris níos fearr
•rialacha nua le stad a chur le tromaíocht
•áiseanna leabharlainne níos fearr
•bia a mbeadh na páistí sásta é a ithe
•bialann scoile níos fearr.
Feabhsuithe
Thig leat na feabhsuithe seo a leanas a dhéanamh:
•ríomhairí nua don leabharlann
•boscaí bruscair agus athchúrsála
•táblaí agus cathaoireacha nua
•seilfeanna agus leabhragáin nua don leabharlann
•na leithris a athchóiriú agus a athmhaisiú
•daingneáin agus feistí nua sna leithris
•roghanna sláintiúla bia sa bhialann
•rialacha agus fógraí nua.
Gníomhaíochtaí
Caithfidh tú na gníomhaíochtaí seo a leanas a dhéanamh le go mbeidh fáil agat ar áiseanna:
•Taighde ar Bhia Sláintiúil
Amharc ar fhíseán ina dtaispeántar páistí agus múinteoir ag déanamh taighde ar bhia sláintiúil. Tabhair freagraí cearta ar na ceisteanna le roghanna sláintiúla bia don bhialann a bhaint.
•Taighde Frith-thromaíochta
Amharc ar fhíseán gearr ina dtaispeántar dráma a chum páistí scoile faoi thromaíocht. Tabhair na freagraí cearta ar na ceisteanna le rialacha scoile maidir le tromaíocht a bhaint.
•Taighde ar Naisc leis an Phobal
Amharc ar fhíseán faoi thionscadal a rinne daltaí bunscoile le logainmneacha an cheantar a chur chun cinn. Tabhair na freagraí cearta ar na ceisteanna le fógraí a bhaint a bheidh mar chuidiú ag daoine áitiúla nuair a thiocfaidh siad chun na scoile leis an leabharlann a úsáid.
•Airgead a Bhailiú
Bailigh airgead faoi choinne daingneán agus feistí nua i leithris na scoile.
•Litir a Scríobh
Áitigh ar an phríomhoide riail nua a chur le rialacha na scoile.
•Coimhlint maidir leis an Bhiachlár a Réiteach
Éist leis na barúlacha éagsúla ar na rudaí ba chóir do na daltaí a ithe don dinnéar agus socraigh ar cén dóigh a n-athróidh tú an biachlár. Roghnaigh plean atá ina chomhréiteach praiticiúil, agus a fhaigheann dhá vóta ar a laghad as triúr, le roghanna sláintiúla bia a fháil don bhialann.
