Emeka Umeagbalasi: Ihe i kwesịrị ịma maka nwoke a sị nyere Amerịka ozi maka ogbugbu ndị ụka Kraịst na Naịjirịa

Otu n'ime ajụjụ dị iche iche ndị mmadụ na-ajụ maka akụkọ onye na-ere 'screwdriver' n'Ọnịcha, Anambra steeti mere Onyeisiala mba Amerịka bụ Donald Trump ji wakpoo mpaghara ugwu Naịjirịa bụ "kedụ onye bụ nwoke ahụ"?.

Ajụjụ ndị ọzọ gunyere kedụ ka Amerịka si hapụ usoro niile ha si enweta ozi gaa dabere n'ama nwoke na-ere screwdriver gbaara ha ma wakpo Naịjirịa?

Akụkọ a kọwara maka nwoke ahụ ụlọmgbasaozi New York Times dere ihe gbasara ya nakwa usoro o si wepụta ndekọ maka etu e si egbu ndị ụka kraịst na Naịjirịa.

Kedụ ihe New York Times dere banyere nwoke a

Akụkọ ụlọọrụ mgbasaozi New York Times bipụtara, kwuru na aha nwoke ahụ na-ere screwdriver bụ Emeka Umeagbalasi.

N'akụkọ ahụ, ha kọwara etu o si wepụta ndekọ banyere ndị ụka Kraịst e gburu na Naịjirịa ma kwuo na ụlọ ahịa ebe ọ na-ere 'screwdriver' perempe n'ahịa dị n'Ọnịcha, Anambra steeti.

Ha sị na ndekọ "nwoke ahụ na-ere screwdriver bụkwa ihe ndị omeiwu mba Amerịka gbadoro ụkwụ na nnyocha ha na-eme maka ndị ụka Kraịst e gburu na Naịjirịa".

Ihe ị kwesiri ịma maka Emeka Umeagbalasi

New York Times kọwara Emeka Umeagbalasi dịka nwoke na-ere screwdriver ma bụrụ onye hiwere otu a na-akpọ International Society for civil Liberties and the Rule of Law, nke a na-akpọ 'Intersociety' n'ịchafụ.

Ụfọdụ akwụkwọ Umeagbalasi dere maka ikike dịịrị mmadụ

Umeagbalasi edeela akwụkwọ dị iche iche gbasara ikike dịịrị mmadụ na ihe ndị ọzọ dị iche iche.

Dịka akara ya na Linkedin si kwuo, ọ bụrụla onye sọ kpọọ oku banyere ikike dịịrị mmadụ ma mee nnyocha dị iche iche.

Aha akwụkwọ ndị o bipụtara gunyere na oge o bipụtara ha:

Ugbua ọ sị na ya na-ede akwụkwọ ọzọ ọ kpọrọ "The Noble Ways of Life the Igbo People of Africa" nke a na-atụ anya ya ngwangwa o dechara ya.