Ọmụ Anioma: Ihe niile ị kwesiri ị ma maka igwe nwaanyị lara mmụọ
Ezenwaanyị Obi Martha Onyemachi Dunkwu bụ Ọmụ Okpanam alakwurula chi ya.
Ọ n'ọkwa pụrụiche n'Ọkpanam malitere afọ narị asaa gara aga bụ nke na-elekọta ụmụnwaanyị ma bụrụkwa onye ji ọfọ agbara ha tupu ọnwụọ.
Mgbe ya na BBC nwere mkparịtaụka, ọ kọwara etu osiri rigoro n'ọkwa ọmụ.
Ọ kwuru na ọ bụ alabekee ka osi lọta wee chie ọmu.
N'nkọwa ya, mgbe osi alabekee lọta, ihe o bu n'obi bụ ị bụ onye ndoro ndoro ọchịchị mana mana osighị etu ahụ mee n'ndụ ya.
Ezenwaanyị Dunkwu nwụrụ na Fraide ka ọ rịachara obere ahụ, dịka ozi zi eznaụlọ ya si kwuo.
Ọmụ Martha Dunkwu bụ nwaanyị e nyere ọkwa Eze n'obodo Okpanam dị na Delta steeti.
Ọ bụ onye na-egosipụta omenala ndị obodo ya na ndị Igbo si mpaghara ahụ a kpọrọ Anioma n'ụzọ pụrụ iche.
Ọnụ na-ekwuru ya bụ Patrick Ochie si gwa BBC Igbo n'ekwentị, sị, "Ọmụ alaala."
"Abalị abụọ gara aga ka ha bụ bidoro rịawa ahụ."
A kpọọ dọkịta, ọ bịa leta ya n'ụlọ ma sị ka e buga ya ụlọọgwụ."
O rue ụnyahụ ọ kawanye njọ."
"O rue taa(fraide) ọ nwụọ."
Akụkọ na-abịa.
Ihe ndị ị maghị maka Ọmụ
Ebe foto si, Dunkwu Family
Ugbua, i nwereike inweta akụkọ BBC Igbo niile n'ekwenti gị.
Pịa aka ebe a ka i soro anyị
Ebe Ọkwa azụmahịa WhatsApp kwụsịrị
A mụrụ Martha Dunkwu n' Okpanam dị n'Okpuru ọchịchị Oshimili North na Delta steeti.
Ọ gara akwụkwọ n'ụlọakwụkwọ St. Joseph’s Catholic School, Barkin Ladi, Platu steeti nakwa St. Murumba’s College, Okpanam, Delta Steeti.
Ọ rụrụ ọrụ Bekee na Mịnịstrị na-ahụ maka ego nke ochie Bendel Steeti(Edo na Delta) tupu ọ gawa mba ofesi maka ịgụkwu akwụkwọ.
Ọ gụrụ na 'L.T.C. College of English and Secretarial Studies', dị na London nakwa 'South West London College', Ingland.
O mechara gaa gụọ na mahadum ' University of Nevada, dị na mba Amerịka.
E chiri ya 'Ọmụ nke Ọkpanam' nke bụ ọkwa Eze e nyere nwaanyị dịka onye ndu obodo n'abalị 26 nke ọnwa Jenụwarị afọ, 2002.
E mechara chie ya "Omu Anioma' n'abalị 15 nke ọnwa Jenụwarị afọ 2010.
Igwe Nsukka Nkpunano dị n' Enugu Steeti chiri ya echichi 'Nne Ọha ' n'afọ 2020.
E ji ịgbasa oziọma banyere omenala Igbo nakwa ikike dịịrị ụmụnwaanyị mara .
A makwa ya dịka onye mere ka ọkwa 'Ọmụ nakwa omenala ndị Anioma pụta ihe n'ụzọ pụrụ iche.
