Onye bụ Angela Nwosu a ndị mmadụ kpụ n'ọnụ?
Ebe foto si, @angelanwosu/Instagram
Oge e ji agụ akụkọ nkeji 1
Angela Nwosu bụ nwaanyị a ma ama na soshal midia maka etu o si ekwu okwu nakwa ahịa ọ na-ere.
Ọ bụ onye na-akwado ihe omenala, na-akpọ onwe ya Ogbanje, na-akụziri ndị mmadụ maka alụmdinanwunye ha ma bụrụkwa onye meburu ihe onyonyo.
Ugbua ọ na-ewu ewu maka ebubo mmadụ boro ya gbasara nne ya a sị na ọ gbahapụrụ n'obodo ha.
Nwosu sara ihe niile gbasara ọnụ ndị mmadụ na-akọ ya na mkparịtaụka nke ya na BBC nwere n'ụbọchị Wenzde.
Mana onye bụ nwaanyị a ndị mmadụ kpụ n'ọnụ?
Ebe foto si, @soundmind_official/Instagram
Mgbe BBC Igbo na Angela Nwosu nwere mkparịtaụka pụrụiche, ọ kọwara ọtụtụ ihe maka onwe ya.
Skip Facebook post
Content is not available
View content on FacebookBBC anaghị ahụta maka ọdịnaya nke saịtị ndị dị na mpụga.sEnd of Facebook post
Lee ihe ndị BBC Igbo chọpụtara maka ya:
- Ọ bụ onye Nnewi-ichi n'okpuruọchịchị Nnewi North na Anambra steeti ma o toro na Legọọs.
- A mụrụ ha ụmụ isii n'afọ nne ya nke mere na ọ bụ osote Ada n'ezinaụlọ ya.
- Ọ gụrụ akwụkwọ na Mahadum Madonna nke dịkwa n'Okija Anambra steeti.
- Nna ya nwụrụ n'afọ 2016.
- Ọ lụrụ di ya bụ Austin Nnaemeka a ma dịka 'Soundmind' n'afọ 2019.
- Di ya bụ onye ji ego achụ ego ma bụrụkwa onye na-emepụta ihe onyonyo.
- O zutere di ya n'elu soshal midịa nke bụ Facebook tupu ha amalite iyi onwe ha.
- Ọ mụrụ nwa mbụ ya n'ọnwa Juun afọ 2021.
