Ihe mere ụlọikpe ji sị ka Ropo, nwunye Sunday Igboho, lawa be ya

Akụkọ na-eru anyị ntị na-ekwu na ụlọikpe mba Bene Repọblik atọhapụla nwunye Sunday Adeyemo eji Sunday Igboho mara.

Ụlọikpe a yiharịri ụbọchị ikpe Sunday |Igboho tutu ụbọchị iri abụọ na isii bụ mọnde ọnwa Julai a, dịka ozi ruru BBC ntị kwuru.

Cheta na mba a jidere Igboho na nwunye n'ụbọchị Mọnde maka ịda iwu njem mba na mba.

Ozi BBC nụtara kwuru na ulọikpe ahụ nyeghachiri nwunye Igboho akwụkwọ njirimara o ji eme njem ma sị ya lawa.

Nwunye Igboho, Ropo, bụ nwa afọ mba Jamini. Ụlọikpe si na onweghị ihe ya bu nwaanyị mere.

Igboho na onwe ya ka ga-azara ọnụ ya dịka ngalaba uweojii a kpọrọ "Criminal Brigade" n'isi obodo Bene bụ Cotonu mana ekwughị mpụtara ya.

Kepu kepu sibu na o bụ n'ụbọchị Fraịde ka Igboho kwesiri ịga n'ihu ọkaikpe.

Ka ọ kwụ ugbua, amabeghị etu ọ ga-esi gaara Igboho dịka mba Naịjirịa na-agba mbọ ịkpọlata ya ka ọ bịa zara ọnụ ya banyere ebubo na ọ na-achọ ibuso obodo agha.

Igboho malitere bụrụ onye a na-anụ aha ya n'afọ 2021 dịka ọ pụtara na-ekwu na ya na-echekwa ndi ọdịda anyanwụ dịka ndị a na-ache na ha bụ ndị Fulani na-achị ehi na-awakpo ha.

O mechara malite achụmta nwereonwe mba ọ sị a ga-akpọ "Yoruba Nation".

Na mwakpo ndị ngalaba uweojii a kpọrọ Department of State Services (DSS) mere na be ya n'ụbọchị Jụlaị 1, 2021, mmadụ abụọ ndi enyemaka Igboho nwụrụ ebe a nwụchiri mmadụ 13 n'ime ha.

Gọọmentị na-ebo ya ebubo na ọ na-akwakọ ngwa agha dịka ọ na-kpọ ka ndị mmadụ malite ime ngagharịiwe na Naịjirịa.