APGA Primaries: Soludo emeriela na ntuliaka imeụlọ otu APGA

22 Juun 2021

Mgbe ikpeazụ e tinyere ya ozi ọhụrụ 23 Juun 2021

Ọkammụta Charles Soludo emeriela na ntuliaka imeụlọ otu APGA mere maka ọkwa gọvanọ Anambara steeti aga eme n'ọnwa Novemba afọ 2021.

Soludo , onye bụbụ onyeisi ụlọakụ etiti ji vootu dị 740 n'ime 792 mere Ichie Ezenwankwo bụ onye nwetara vootu 41 na ntuliaka ahụ e mere n'Ọka ụbọchị Wednezde.

Ndị ọzọ so zọọ ntuliaka imeụlọ ahụ bụ Damian Okolo nwetara vootu asaa, ebe Thankgod Ibeh nwetara vootu anọ.

Chukwuma Soludo, Victor Umeh na ndị otu APGA ndị ọzọ.

Awka na-ekpobu ọkụ n'ụtụtụ ụbọchị Wenezde dịka ntụliaka imeụlọ nke otu APGA na-aga n'ihu n'ọgbọ egwuregwu Alex Ekwueme.

Onye ntaakụkọ BBC nọ ebe ahụ kwuru na ọ hụrụ ndị ọrụ nchekwa juru ebe ahụ ma dịrị njikere ịchekwa udo maka ọgbaghara ọbụla ga-adapụta.

Aha onyonyo, APGA kpara agwa ọjọọ - Bianca

BBC ghọtakwara na Chukwuma Soludo so na ndị na-azọ ọkwa ahụ nakwa onye bubu onyeisi otu ahụ bụ Victor Umeh nọ ebe ahụ ugbua.

A ga-ebu ụzọ nyochaa ndị nọ ebe ahụ n'atụmatụ a kpọrọ "Accreditation" tupu ha gaa tụọ vootu na Dora Akunyili Development Centre dị n'ụzọ Awka - Enugwu.

Gịnị na-akpọtụ n'ime APGA?

Nkwado ntuliaka ọkwa Gọvanọ Anambra steeti ebirila ọkụ ugbua dịka ụda ya na-ada n'otu All Progressive Grand Alliance bụ APGA.

Skip Akachasị Gụọ and continue reading

Akachasị Gụọ

End of Akachasị Gụọ

Dịka ụfọdụ akụkọ na-efegharị si kwuo, ngalaba Independent National Electoral Commision na-elekọta ntụliaka wepụrụ APGA na ndị ga-eso wepụta onye ga-azọ ọkwa gọvanọ Anambra steeti.

Akwụkwọ edemede BBC Igbo hụrụ anya kwukwara na otu APGA ahụ emeghi ka ha si kwesi n'ịgwa Inec maka ntụliaka imeụlọ ha na-akwado ịme tupuu ha emee ya.

N'ime edemede ọzọ BBC Igbo hụrụ anya, Inec na-adọ otu ahụ aka na ntị maka aha ndị ga-azọ ọkọlọtọ ha nke ha wegaara n'ụlọọrụ INEC.

Ha kwuru sị "o doghi anyị anya na nhọpụta aha ndị a soro usoro ọchịchị onye kwuo uche ya..."

Jude Okeke bụ onye si n'otu ahụ dọbiri na-ebo Victor Oye bụ onyeisi otu ahụ ebubo na ọ ma ụma na-achọ ịwepụ APGA n'otu ndị ga-eso zọọ ọkwa Gọvanọ ahụ.

Mana Oye gwara BBC n'ozi ekwentị na o nweghi nsogbu ọbụla dị n'otu ha.

Aha onyonyo, 'Onye anọghị ebe e so kee ihe, oke ya efuo' - Victor Umeh

"E nwero nsogbu ọbụla na APGA. APGA kwụ chịm chịm na-agbanyeghi atumatụ ọjọọ ndị iro anyị."

Ọzọ Oye kwuru "E jim ohere a akpọ ndị otu anyị niile ka ha gbaa mbọ jịkọta aka ọnụ ka anyị kwado APGA maka ọdị mma Naịjirịa, ọ kachasị Anambra steeti"

Akụkọ ndị ọzọ ga-amasị: