Etu m si chọpụta na George Obinna Floyd bụ nwafọ Mbaise - Humble Okoro
Ụkọchukwu Humble Okoro nke ụlọụka Joy Christian Church dị na Pọtakọt akọwala ihe mere o ji ligharịa George Floyd bụ onyeisi ojii ndị uweojii gburu n'Amerịka n'ọnwa Mee.
Ụkọchukwu Okoro hazigharịrị akwamaozu George Floyd n'obodo Umuoffor dị n'Obokwu Obibi Aboh Mbaise nke Imo Steetị.
Ọ gwara BBC Igbo na George Floyd si n'agbụrụ otu nwoke Mbaise mụrụ otu nwa ma kpọrọ ya gaa Kameroon, si zie ebe ahụ gawa mba Amerịka ga biri.
Ọ sị na nke a si n'akụkọ a kọrọ ya tinyekwara na ị bịa n'obodo Umuoffor Obokwu na e nwere ọtụtụ ndị gbara dimkpa yiri George Floyd.
Ọ sị na nyocha o mere gosiri na George Floyd bụ onye agha si Mbaise nwụrụ n'Amerịka na ọ bụ ya mere o ji kpọọ aha ya "George Obinna Floyd".
Ụkọchukwu Okoro sị na ọ ga-akpọ oku ka eme nyocha 'DNA' iji mata kpọmkwem na George Obinna Floyd bụ nwafọ Umuoffor Obokwu Mbaise.
Ebe foto si, Pastor Humble Okoro
Ọ sị na obi dị ya ụtọ na ha eligharịala "George Floyd Obinna" n'akụkụ ndị nna nna ya ochie.
N'ọgbakọ Akwamozu a, edosara igbe ozu e biri foto "George Floyd Obinna" n'elu ya, ebe ụfọdụ ndị nwoke na nwaanyị yi akwa ojii dịka ndị na-eri uju nọkwa ebe ahụ.
Cheta na e liri George Floyd n'Amerịka n'ụbọchị 10 nke ọnwa Juun, afọ 2020.
Ebe foto si, Pastor Humble Okoro
Mana otu nwoke a kpọrọ Sam Anuka bụ onye obodo Ufoama Obibi Ngwu sị na ọ maara ezinaụlọ ụkọchukwu Humble Okoro nke ọma.
Na Okoro bụ onye obodo Obokwu Obibi Ngwu, na ọ bụ onye ụkọchukwu otu ụlọụka ọgbara ọhụrụ dị na Pọtakọt.
Anuka sị na Okoro na-eme ihe nkiri na ọ bụ ihe nkiri ka a sị na ọ na-eme maka olili George Floyd na ọ bụghị ezi akwamozu.
Ihe ndị mmadụ na-ekwu
@KinyanBoy sị na e nwechara ndị na-ebe akwa n'ebe ahụ.
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post, 1
@EniolaJeremy jụrụ sị na mgbe i chere na ị hụchaala ya, Naịjirịa ga-abụta zi gị nke tọrọ Biati
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post, 2
@daisythemogul sị na ndị Igbo na-aghọ aghụghọ
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post, 3
Akụkọ ka na-abịa...
