Constituency Project: Ihe ị kwesiri ịma maka ya
Onyeisiala Muhamadu Buhari nkwuputere okwu tinyere ndị ụlọomeiwu na Naịjirịa n'agbagharịa taa bụ ụbọchị Nọvemba iri abụọ.
O kwuru na o nweghị ihe gbara ọkpụrụkpụ ndị ụlọomeiwu Naịjirịa jirila ego ruru otu tarị n'ụma(1 trillion plus) amapụtara maka "Constituency Projects" mepụta kamgbe afọ iri.
O kwuru nke a n'ọgbakọ otu 'Independent Corrupt Practices and Other Related Offences Commission'(ICPC) nakwa gọọmenti etiti hibere nso nso a.
Mana ụfọdụ ndị mmadụ na-ajụ gịnịdị bụ "Constituency Projects" na-ese okwu?
Ifeanyi Olumba ọnụ na-eru n'okwu na ndọrọndọrọ ọchịchị kọwara na "Constituency Project" dịka achịcha a na-ekenye ndị na-anọchite steeti dị iche iche n'ụlọomeiwu ha wegara ndị ha na-anọchite.
O kwuru na 'achịcha a' na-abịa n'udi ụzọ, ụlọọgwụ, ụlọakwụkwọ zuruoke, ụlọ dị ọnụ ana wdgz.
Mana o kwuru na ọ na-agba ya anya mmiri ma ọ hụ ka ndị nnọchiteanya n'ụlọomeiwu na-enye ndị steeti ha akpa ọsikapa, wil baro, ọgba tum tum, akụrụngwa e ji adụ akwa wdgz.
Olumba kwuru na ihe ndị a enweghị isi.
Kedụ ka atụmaatụ a si emetụta ụmụ Naịjirịa?
- O bụ oke nketa gị dịka ọchịchị onyekwuouche ya si nye
- E kepụtara atụmaatụ ka ihe owu owu ruo steeti ọbụla aka na Naịjirịa
- Ọ ga-eme ka ibi ndụ diri gị fecha fecha
- Ọ ga-agbarịrị ọkpụrụkpụ, o kwesighị ịbụ ihe i ga-eri nyụpụ na nsị, o kwesiri ị tọ atọ
Ifeanyi Oluma gara n'ihu kwuo na ọ ga-adị mma ka onyeisiala gbaa n'anwụ ego niile e kenyere ndị ụlọomeiwu na-anọchite ogbe ha site n'afọ 1999 ruo ugbua.
Akụkọ ndị ga-amasị gị
Ihe nkiri ga-amasị gị:
