Akụkọ kachasị tata: Usain Bolt na-egbuke ka ọkụ n'otu bọọlụ ya

12 Ọktọba 2018

Usain Bolt na-egbuke ka ọkụ n'otu ya

N'Egwuregwu, Usain Bolt enyeela ọkpụ abụọ n'ime asọmpi eyin na eyin otu ya bụ Central Coast Mariners na Macarthur South West gbara.

Usain Bolt bụ nwoke ama ama na-efe ọsọ dịka nwamba n'ọhịa turu ọtụtụ ugo n'egwuregwu ọsọike dị iche iche.

Atiku ahọpụtala onye ga-eso ya n'osọ ntuliaka 2019

Akukọ putara ugbua bụ na Onye chiburu dịka gọvanọ Anambra Steeti bụ Peter obi ga-eso ọkọlọtọ otu PDP bụ Atiku Abubakar na n'ọsọ ntuliaka 2019 dịka osote onyeisiala.

Orji Kalu nwere oku n'ụlọikpe etiti

Ụlọikpe etiti n'Abuja ekpebiela ka onye bubu gọvanọ Abia steeti bụ Orji Kalu za ajụjụ gbasara ebe Nnamdi Kanu nọ.

Ụlọikpe a kpebiri na Orji Kalu ga-abịa za ajụjụ n'ụbọchị iri na anọ n'ịme ọnwa Novemba makana o kwuru n'ime ọnwa garaaga na Nnamdi Kalu nọrọ London.

Skip Akachasị Gụọ and continue reading

Akachasị Gụọ

End of Akachasị Gụọ

Akwa na-akpọtụ na mba Uganda

N'Africa, nnukwu ide apiti egbuola mmadụ iri atọ na mba Uganda.

Mberede a mere maka nnukwu mmiri zoro n'obodo ahụ mee ka otu oshimmiri hufere n'obodo ahụ.

Gee nkeji BBC

Aha nkeananụānụ, Akụkọ ga-amasị gị ị ga-achọ ikọ taa niile

Lee ihe nkiri anyị taa

Aha onyonyo, Lee ihe ụmụnwaanyị na-akpa n'azụ ụmụnwoke

Ndị agha Naịjirịa akụọla nwata akwụkwọ ihe

Ndị agha Naịjirịa na ụmụakwụkwọ — Nkọwa foto, Ndí agha Naíjiría

Ndị agha Naịjịrịa akụọla otu nwaakwụkwọ ihe tinka kụru pan na Command Day Secondary school dị n'Enugu.

Chioma:Gideon Oguguo bụ onye gbara afọ iri na ise eyizughị uwe akwụkwọ were bịa akwụkwọ ụbọchị Tuzde.

Onye etinyele aka n'ụdọ na idi na-otu Naịjirịa

Muhammadu Buhari na Naịjrịa — Nkọwa foto, Muhammadu Buhari na-ekwusi ike na ya na-anuso mpụ agha

Onyeisiala Buhari adọọla aka na ntị nye onye ọbụla ji udo na ịdịnaotu Naịjirịa tie epele.

Buhari kwuru nke a mgbe ọ nabatara Eze Abdulfatah Emetumah III nke Umuofor Oguta Imo Steeti n'obi ya n'Abuja ụbọchị Tọzde.

Church arịọla Mgbaghara

N'ofesi, nwokorobịa ụkọ chukwu metọrọ na mba Saụt Afrika kemgbe 1980 a nabatala arịrịọ arịọrọ ya.

Chioma:William Segodisho sị na obi ederela ya jụụ ugbua agbanyeghị na ọteela ya gbawara mbọ ịmata ka ụwa aga anụ onu ya.

Real Madrid sị na ha ga-akpụpụ akwụkwọ akụkọ ụlọikpe

N'egwuruegwu, otu egwu bọlụ Real Madrid ekwuola na ha ga-akpụpụ akwụkwọ akụkọ ahụ ụlọikpe bụ nke kwụru na ọ bụ ha gwara Ronaldo ya ekwela Kathryn Mayorga gbaa ya na anwụ.

Mayorga na-ebo Ronaldo na ọ wakporo ya na hotel dị na Las Vegas n'afọ 2009 mgbe ọ ka na-agbara Real Madrid.

Gee Nkeji nke mgbede a:

Lee ihe nkiri nke taa