Onyeisiala mba France Emmanuel Macron ga-ezute Buhari taa

Onyeisiala mba Frans bụ Emmanuel Macron ezutela onyeisiala Naijiria bụ Muhammadu Buhari n'Abuja taa.

N'okwu ya n'ọgbakọ o nwere nke o depụtara n'igwe okwu Twitter ya n'olu Frenchị, Macron kwuru na Naijiria bụ obodo na emepe emepe nke ga-ada ụda n'Afrịka nakwa Yurop.

Macron ga agawa Legos ebe ọ ga-aga n'ukwu arụsị Fela nke onye egwu a ma ama na Naịjirịa lara mmụọ bụ Fela Anikulapo Kuti guzobere.

Njem a ga-adị ka Macron a na-alọta ụlọ maka na ọ rụbuola ọrụ n'ụlọọrụ mba Frans n'isi obodo Naịjirịa n'afọ ole na ole gara aga.

Macron dere maka ịbịa Naịjirịa ọzọ kamgbe ọ rụchara ọrụ ebe a. O dere na French sị " Ịlọghachị Naịjirịa, ka afọ 17 gachara".

O bịarute Abuja, Macron na Buhari ga-akarịta ụka gbasara nchekwa na ndị na-eyi egwu maka na okwu gbasara nchekwa na mpaghara Afịrịka niile dị ndịisiala abụọ ahụ oke mkpa.

Ndị ụlọọrụ onyeisiala dere maka ya na Twitter sị:

A na-elekwa anya na ọ ga-agwa ọgbakọ ndị omeiwu niile okwu tupu ọ gawa Legos ebe ọ ga-aga mmepe ụlọọrụ ọhụrụ Alliance Française.

A ga-elekwa ya ọbịa n'okwu arụsị Afịrịka, Macron ga-abụ onyeisiala mbụ ga-aga ya bụ okwu arụsị Fela.

Ndị ụlọọrụ mba Frans na Naịjirịa kwuru na njem ahụ ga-enye aka ịdọtị mmekọ dị n'etiti Naịjirịa na mba Frans.

Naịjirịa nwere ụlọọrụ ndị Frans karịa ụlọọrụ mba Afịrịka ọzọ niile.

Akụkọ ndị ga-amasị gị: