Ndị Bishop Katọlịk: Oke ogbugbu mmadụ ga-emebiri Buhari ntụliaka 2019
Ebe foto si, Getty Images
Ọgbakọ ndị ụkọchukwu Katọlịk na Naịjirịa akpọrọ ''Catholic Bishops Conference of Nigeria (CBCN)'' ekwuola na nkiti onyeisiala bụ Muhammadu Buhari gbara maka oke ogbugbu ga-emebiri ya ihe na ntụliaka na-abịa nụ.
O kwuru na ọ bụ eziokwu na onyeisiala na-agba mbọ ole ike ya ha mana ya bụ mbọ ezuchaghị.
Onye ode akwụkwọ ọgbakọ ahụ bụ Fada Evaristus Bassey kwuru na ndị ụkọchụkwụ Katọtọlịk chọrọ ka onyeisiala gee-nti oku ndị mmadụ na-akpọku ya ị wepụ ndị isi ọrụ nchekwa.
Fada Bassey kwuru na ha anaghị etiri onyeisiala iwu kama na ọ bụ ihe ga-enyere ya aka maọbụrụ na ọ kwụsịrịnwụrụ oke ogbugbu na-eme n'ala Naịjirịa.
N'ọnụ ya,''ọ bụrụ na onyeisiala enweghị ike ị ikwụsịnwụ oke ogbugbu a, anyị na kpọku ya dịka onye kwesiri ezigbo ugwu ka o tinye akwụkwọ alụkwaghịm ma ya bụrụ na ọ zọrọ ndụ ndị mmadụ.''
O kwukwara na uche na-eche ha ma etu ihe sị dị ugbua a ga-enwe ntukliaka kwụọtọ, na agbakwunye na ọ bụ INEC ka ọdịrị ime ka vootu ndị mmadụ ghara ị bụ ihe efu.
Cheta na ndị Ụkọchukwu Katọlik a akpọrọ CBCN mere ọgbakọ ụnyahụ ebe ha depụtara akwụkwọ na-egosi iwe ha maka oke ogbugbu na-eme Naịjirịa.
Ha bokwara ndị uweojii ebubo na ha na-eme iru mma abụọ ma ha chopụta na ọ bụ ndị ochị ehị mejọrọ na mwakpo ọ bụla.
