Onweghi onye Naịjirịa so na kadịnal 14 Pope wepụtara
Ebe foto si, Getty Images
Pope Francis nọọrọ n'ụbọchị ụka taa họrọ ndị ga-abụ kadịnal ọhụrụ nke ụka Katọlik mana onweghi nwafọ Naịjirịa ọbụla aha so.
Pope kwupụtara nke a na-atụghị anya ndị mmadụ dịka ọ na-agwa ndị njem alansọ okwu.
Ndị a akpọpụtara aha ha ga-eso họpụta onye Pope ọhụrụ ma ọ bụrụ na ha agaghị afọ iri asatọ mgbe oge ahụ ruru.
N'oge mbụ ụmụ afọ Naịjirịa anọ abụrụla kadịnal, ndị dịka Dominic Ignatius Ekandem, Francis Arinze, Olubunmi Okogie na John Olorunfemi.
Ebe foto si, Getty Images
Mana n'ime mmadụ iri na anọ ndị a akpọrọ aha ugbu a, onweghi nwafọ Naịjirịa ọbụla so na ya.
Ndị kadịnal a gụnyere Archbishop Konrad Krajewski nke Poland, Angelo De Donatis , Luis Ladaria, Giovanni Becciu, Louis Raphael I. Sako, Pedro Barreto, Desire Tsarahazana na ndị ọzọ.
A ga-edu ndị a n'iyi ọrụ n'abalị iri abụọ na itoolu nke ọnwa Juun.
