Akụkọ kachasị n'ụtụtụ a: Trump na Jong-Un a ga-ezukọ?
Akụkọ ndị dị mkpa n'ụtụtụ a:
Rochas agaghị apụ APC
Ebe foto si, PIUS UTOMI EKPEI
Gọvanọ Imo steeti bụ Rochas Okorocha, ekwuola na ọ gaghị eji maka onye ọbụla pụọ na pati ya bụ APC maka na o so na ndị bidoro ya na steeti ahụ.
O kwuru nke a ka akụkọ na-agagharị na ya bụ Rochas chọrọ ịlaghachị otu APGA bụ ebe ọ nọbu.
'Naịjirịa nọ n'ọgbaghara'
Ebe foto si, Getty Images
Onye nchịkọta ndị ụka katọlik niile nọ n'Abuja bụ Archbishop John Onaiyekan, ekwuola na Naịjirịa nọ n'ọdụ ọgbaghara maka ogbugbu a na-egbu ndị mmadụ na mba a.
O kwuru nkea ka ọ na-aka ụka akwamozu maka mmadụ iri na itoolu gụnyere ndị fada abụọ ndị a na-enyo bụ ndị ọchiehi gburu na Benue n'ọnwa Epreelụ.
Nzukọ Trump na Jong-Un ọ ga-enwe isi?
Ebe foto si, AFP
Onyeisiala mba Amerịka bụ Donald Trump ekwuola na nzukọ ya na onyeisiala Nọt Korea bụ Kim Jong-Un nwere ike ghara ịbịa na mmezu.
O kwuru na e nwere ọnọdụ ndị ha chọrọ mana ọ bụrụ na ha enwetaghị ha, nzukọ ahụ agaghị eme.
O kwukwara na omume Kim Jong-Un agbanweela kamgbe ha kwenyere inwe ọgbakọ a.
N'egwuregwu
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post, 1
Ndị bọọlụ na-amasị toro ndị Super eagles ike n'agbanyeghị na ndị otu Atletico Madrid ji ọkpụ atọ asatara abụọ merie ha n'asọmpi enyi na enyi a gbara n'Uyo ụnyaahụ.
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post, 2
Gee ya na nkeji nke ututu a:
