Akụkọ kachasi n'abalị a: Ndị bịara ị nata ọgwụgwọ na-ewe iwe

Akụkọ ndị kachasị mkpa mere n'abalị a

Ndị na-anata ọgwu n'ọlụọgwụ ebe a na-agba ọkpụkpụ n'Enugu bụ nke akpọrọ National Orthopaedic Hospital na Bekee nwụchikọrọ ndị dị na elete ha anya taa maka nkwụsị ọrụ.

Ụfọdụ ha sị na ha tọrọ atọ ebe ha ahụghị onye ha ga kwunye ụwgọ mgbe ụlọọgwụ sị ha laa.

Ebe ọzọ na Naijiria

Akụkọ si Imo steeti na-akọwa na gọọmentị ha agwala ndị okenye niile tozuru ị rụ-ọrụ ha kwụọ naira puku atọ

Onye na-ekwuchitere ọnụ Imo steeti gwara BBC Igbo na atụmatụ ụtụ a esịghị ha bụ Gọọmentị n'aka, ma kwukwa na ha ga-eji naira nde iri akwado ya.

Ọkparaeze Charles ga-achị mba ndị so na Commonwealth

Otu Commonwealth enwela nkwekọríta na Nwaeze Charles bụ nwa ezenwaanyị Elizabeth nke mba Britain ga-abụ onye ndu ọhụrụ ha.

Cheta na Elaizabeth kwuru na ọ bụrụ na ihe a mee ọ ga-enye ya ọbi ụtọ pụrụiche.

Na akụkọ egwuregwu

"Arsene Wenger e mela nke ya dị ka nwoke"

"Wenger bụ odogwu nwoke mara akụzị egwuregwu bọọlụ nke ọma"

Okwu a na ndị ọzọ bụ ihe ndị mmadụ jisike na-ekwu na soshal midia maka akụkọ pụtara na Wenger ga-apụ n'ọkwa nkuzi otu Arsenal na ngwụcha agba egwurewgu.

Ihe ndị ọzọ ị kwesịrị ịma taa

Gere akụkọ mere taa n'otu nkeji

Ihe nkiri nke taa