Wasannin Zakarun Turai da coronavirus ta shafa
Asalin hoton, Getty Images
Roma ta ce ba za ta je Sevilla buga wasan Europa ba wanda, aka tsara zai gudana ranar Alhamis saboda ba a bai wa jirginsu damar sauka a Sifaniya ba.
Tuni aka yanke hukuncin buga wasa zagayen 'yan 16 na gasar ta Europa ba tare da 'yan kallo ba saboda tsoron cutar yaduwar cutar Covid-19.
A ranar Talata, Atalanta ta kasar Italiya ta buga wasan Champions League da Valencia ba tare da 'yan kallo ba kamar yadda aka tsara.
A ranar Talatar dai hukumomin Sifaniya suka hana duk wani jirgi shiga kasar daga Italiya, amma Uefa ta roki a kyale jirgin Roma.
Sai dai a ranar Laraba gwamnatin Sifaniya ta ki amincewa da wannan roko.
A gefe daya kuma, Getefe ta ce ba za ta je Italiya ba a ranar Alhamis domin buga wasanta na Europa da Inter Milan.
A Faransa an dage wasan karshe na French League Cup tsakanin Paris St-Germain da Lyon, wanda tun da farko aka tsara yi ranar 4 ga watan Afirilu, an daga shi saboda tsoron coronavirus.
