Giya ta kashe leburori 17 a Indiya
Asalin hoton, afp
'Yan sanda a jihar Uttar Pradesh da ke arewacin Indiya sun ce wasu leburori 17 sun mutu bayan shan giya irin wacce ake sarrafawa a gida.
Mutanen sun sha barasar ne wacce aka hana shata a ranar Juma'a da daddare.
An kam wani mai sayar da barasar an kuma dakatar da jami'ai da dama.
A Indiya dai mutuwa sakamakon shan irin wannan barasa ta zama ruwan dare a kauyuka.
A watan Afrilu ma jihar Bihar ta zama ta baya-baya da ta haramta sayar da giyar.
- <link type="page"><caption> Za a rufe kantunan giya 500 a India</caption><url href="http://www.bbc.com/hausa/news/2016/06/160619_india_tamil_nadu_ban_alcohol.shtml" platform="highweb"/></link>
Masu goyon bayan haramta sayar da giyar sun ce matakin na iya dakatar da shan da ake wa giyar tamkar ruwa da kuma hana faruwar rikice-rikice.
Yayin da masu adawa da matakin kuwa ke cewa hakan zai janyo a dinga shiga da barasar da ba a san ya aka yi ta ba daga wasu wurare.
