Diwali 2021: Indiyawa na bikin fitila na Diwali

Karanta rubutu kawai domin rage cin data

A general view of the Madan Mohan Malviya Stadium decorated with candles by athletes is pictured during track pujan ceremony ahead of the Hindu festival of Diwali in Allahabad on November 2, 2021. — Bayanan hoto, Ana bikin Diwali ne domin murnar nasarar da aka samu kan wani shedani

4 Nuwamba 2021

Indiyawa na kunna wuta su ajiye cikin launuka, yayin da miliyoyin mutane mabiya addinin Hindu ke bikin Diwali. Amma bikin na bana yazo lokacin da ake da matukar damuwa kan annobar korona da kuma gurbatar muhalli.

Lokacin bikin addini ne, a yi addu'a da kuma kunna wuta.

Bikin Diwali na daya daga cikin bukukuwa mafiya mahimmanci a Indiya.

An fi sanin wannan bikin da bikin fitila yayin da mutane ke ajiye wani dan kwano dauke da mai da wuta a ciki da kuma kyandir domin nuna farin ciki kan nasarar da haske ya samu kan duhu da nasarar da mutanen kirki suka samu kan azzalimai.

Bikin na bana na nuni da yadda korona ke ci gaba da janyo asarar rayukan mutane.

Duk da cewa adadin mutanen dake mutuwa saboda cutar na raguwa idan aka kwatanta da watannin baya, Indiya na daya daga cikin kasashen da wannan annoba ta yi wa illa, inda a hukumance mutum miliyan 35 suka kamu da cutar kuma sama da mutum 45,000 suka mutu.

A wajen wasu da dama, Diwali wata alama ce ta shiga sabuwar shekara. Wani lokaci ne da ake farin ciki da murna - ake yin shagali, lokaci ne da mutane ke haduwa da abokai da iyalansu a kuma rika bai wa juna kyautuka.

Diwali jaipur — Bayanan hoto, Yadda yanayin Nahargarh Fort na birnin Jaipur yake, ko'ina ka duba sai hasken fitila saboda bikin Diwali

Wani mutum na kallon fitilar da aka makala a cikin wata kasuwa a Mumbai — Bayanan hoto, Mutane na yi wa gidajensu ado da fitila domin nuna murna da wannan biki

Dhanteras — Bayanan hoto, Gabanin Diwali, mutane na sayan gwala-gwalai domin yin ado, tunda bikin na masu bin addinin Hindu na da alaka da Lakshmi, Wani abin dogaron da ke yi wa mutane arziki

Ranar da ake yin bikin na sauyawa ko wacce shekara kuma yadda wata ke sauyawa ne ke nufin ranar da za a yi bikin.

Skip Wanda aka fi karantawa and continue reading

Wanda aka fi karantawa

End of Wanda aka fi karantawa

Sai dai an fi yin bikin tsakanin watannin Oktoba da Nuwamba.

A wannan shekarar an fara bikin Diwali ne ranar Alhamis.

A shekarar da ta gabata an dakatar da mafi yawan abubuwan da aka saba yi a bikin saboda korona.

Gwamnatin kasar ta roki mutane da su nisanci taruwa wuri guda kowa ya tsaya a gida ya yi bikinsa.

Kuma da yawa sun bi wannan doka, yayin da majami'u suka rika gudanar da ibadunsu a intanet tare da neman mabiya da su rika halarta ta kafar.

Amma a Delhi babban birnin kasar, an rika samun taron mutane a kasuwa gabanin babban bikin.

Hukumomi sun ce hakan zai iya jefa mutane cikin hadarin da zai janyo tabarbarewar tsarin kiwon lafiya a kasar.

An samu taron mutane masu yawa a kasuwannin Delhi lokacin da ake kusantar bikin Delhi — Bayanan hoto, Taron mutanen da ake samu a kasuwanni ya janyo damuwa ta bangaren gwamnati kan yaduwar korona

Diwali shopping — Bayanan hoto, Mafi yawan masu siyayya a Delhi sun fi zuwa kasuwar Sarojini Nagar

Jaipur diwali — Bayanan hoto, Yadda majami'ar Garh Ganesh take daga nesa da ke garin Jal Mahal

Gwamnati ta rika shawartar mutane su rika ba da tazara tare sanya takunkumi lokacin bikin saboda annobar korona. — Bayanan hoto, Gwamnati ta rika shawartar mutane su rika ba da tazara tare da sanya takunkumi lokacin bikin saboda annobar korona.

Yadda samaniyar filin wasa na Madan Mohan Malviya lokacin da aka yi masa kwalliya a ranar 2 ga watan Nuwamba 2021 — Bayanan hoto, Mutane da yawa na bikin Diwali ta hanyar harba wuta sama

Ba matsalar annobar ba ce kawai, yadda ake harba abubuwan fashewa sama na janyo gurbatar muhalli a kowacce shekara.

Wannan kuma ya fi muni a Delhi, inda hayaki yake baibaye samaniyar birnin.

Iskar garin ta gurbata a watan Nuwamba da Disamba yayin da su ma manoma a jihohin Punjab da Haryana ke kona sauran kayan amfanin gona domin gyara filin nomansu.