Hotunan kufayi da suka ci gasar duniya
Asalin hoton, Jonk
Wasu hotuna da aka dauka a wasu kufayi masu kyawun yanayi sun lashe gasar hotuna ta 2020.
Jerin hotunan wandanda wani mai daukar hoto na Faransa Jonathan Jimenez ya dauka sun hadar da wani shagon sayar da gahawa dake Abkhazia, da wani Otal a Portugal da kuma wani ninkaya a Italiya.
An zakulo su ne daga ire-irensu 2,600.
Marissa Roth, wanda ta jagoranci gasar ta ce sun zabi aikin Jonahan ne saboda tsabagen kwarewar da ya nuna da sakon da suke kunshe da su.
A cewarta, hotunan na nuna alakar dake tsakanin bil'adama da yanayi.
Hukumar kula da dazukan Indiya ta zabi wadanda suka lashe gasar a rukuni shida.
An shirya gasar ne da manufar baje kolin mafi kyawun muhalli, da kuma aniyar bunkasa muhawara dangane da duniya da abin da ke cikinta.
Asalin hoton, Yanrong Guo
Yanrong Guo ta ci gasar da hotonta mai suna Miss, dake nuna wani mutumi a tsaye a Liangshan yana zukar sigari,.
Asalin hoton, Yi Sun
Yi Sun ya lashe gasar bangaren yanayi, da hotonsa mai taken Dryland Farming, Study 7, wanda ke nuna sahun tarakta yayin da take ratsawa ta cikin wata gona a Spaniya.
Asalin hoton, Charles Xelot
Charles Xelot ya lashe gasar bangaren yanayin dazuka dake nuna kututturen icen wata bishiya bayan shekara biyu da samun gobarar daji da mutane suka haddasa.
Asalin hoton, Joe Habben
Joe Habben ya lashe gasar ta bangaren sauyin yanayi, da wani hotonsa dake nuna cutarwar ruwa mai yawa a Venice.
A bangaren bidiyon da yafi kowanne agasar kuwa Sean Gallagher ne ya lashe gasar, da bidiyonsa dake nuna illar sare dazuka a Cambodia.
An samu dukkan wadannan hotuna daga : Royal Geographical Society
