Ladanin masallacin Landan ya yafe wa wanda ya soka masa wuka
Asalin hoton, PA Media
Mutumin da aka daba wa wuka a cikin wani masallaci a birnin Landan ya ce ya yafe wa wanda ya kai masa harin.
Raafat Maglad, mai shekara 70 da 'yan kai ya yi jinya a asibiti bayan wani mahari ya daba masa wuka a wuya ana cikin sallah a ranar Alhamis.
Bayan dawowarsa daga masallacin da ke makwabtaka da Regent's Park a ranar Juma'a, Raafat ya ce yana tausaya wa maharin kuma ba ya jin tsanar maharin a ransa.
'Yan sanda sun tsare wani matashi mai shekara 29 da suke zargi da yunkurin aikata kisan kai, bayan masallatan da ke masallacin sun katse sallarsu sun tsare maharin.
Wannan labari ne na dauke da bayanai da X suka bayar. Muna neman amincewarku kafin mu dora muka, saboda nuna iya dauke da wasu bayanai da aka iya adanawa. Watakila kana za ka so ka karanta X da tsarin bayanan da za a adana da da tsarin sirri kafin ka amince. Idan kana son ganin wannan bayani ka zabi ‘amince sannan ka ci gaba’.
Karshen labarin da aka sa a X
Ra'afat wanda shi ne ladanin masallacin ya shaida wa BBC cewa ya ji "kamar an buga masa bulo," a lokacin da aka daba masa wukar daga baya.
"Na ji jini na kwarara daga wuyana, daga nan sai aka garzaya da ni zuwa asibiti. Abin ya faru da sauri-sauri ne.
Da aka tambaye shi game da saurin dawowansa masallaci da ke kwaryar birnin Landan jim kadan bayan harin, Raafat ya ce halartar sallar Juma'a na da matukar muhimmanci a gareshi.
"Idan ta wuce ni, to na rasa abu mai matukaru muhimmanci. Sallar Juma'a na da matukar muhimmanci ga kowane Musulmi.
Magajin garin Landon Sadiq Khan na daga cikin wadanda suka mahalarci sallar Juma'ar, inda ya yi kira ga masallata da su lura da abubuwan da ke faruwa a kusa da su.
