Ibinugwanugwa mu mupira w'amaguru ku bakinyi n'abandi ku wa Kane

Umukinyi wo hagati wa Arsenal na Pays de Galles, Aaron Ramsey w'imyaka 28, yemeye amasezerano yo kuja muri Juventus mu kwezi kwa Gatandatu. (Guardian)

Atletico Madrid iri mu bariko bararondera umukinyi w'imbere wa Chelsea na Espagne, Alvaro Morata 26, ikamwipfuza ku mukopo. Vyaravuzwe ko Morata yoba yipfuza kuja muri Séville. (Goal)

Chelsea izorega Bayern Munich kuri Fifa niyaronka ivyemezo ko uwo mugwi warondeye mu mpisho umukinyi w'imbere ku ruhande w'Ubwongereza (U-19), Callum Hudson-Odoi w'imyaka 18. (Mail)

Bayern yiteguye guha Hudson-Odoi umupira wo kwambara nomero 10, iyo nomero ikazoboneka mu mpera za rino higanwa Arjen Robben agiye. (Sun)

Real Madrid yiteguye kugwanira na Manchester United umukinyi w'inyuma akina muri Naples, Kalidou Koulibaly w'imyaka 27 aturuka muri Senegal, mu gutanga imiliyoni 90 z'amapawundi. (Il Mattino, via Talksport)

Kuva aho umumenyereza Jose Mourinho yirukaniwe, United yarahagaritse kurondera umukinyi w'inyuma wa Fiorentina na Serbie, Nikola Milenkovic w'imyaka 21. (ESPN)

Burnley yashize imiliyoni 50 z'amapawundi ku mukinyi w'inyuma w'Ubwongereza James Tarkowski w'imyaka 26, naho Liverpool imurondera ku mukopo. (Sun)

Manchester City yipfuza kuzana umukinyi wo hagati wa West Ham na Irlande, Declan Rice w'imyaka 19, ngo asubirire umukinyi aturuka muri Brésil, Fernandinho w'imyaka 33. (Sun)

Umumenyereza wa Manchester United, Ole Gunnar Solskjaer yabwiye umukinyi w'imbere w'Ubwongereza, Marcus Rashford w'imyaka 21, ko ari we musatirizi wa mbere w'umugwi. (Star)

Perezida w'umugwi Barcelone Josep Maria Bartomeu yemereye umukinyi wo hagati Denis Suarez w'imyaka 25 arondegwa na Arsenal, ko ashobora kuva i Nou Camp. (Marca)

Unai Emery yemereye umugwi Arsenal guha akazi kuno kwezi umubiligi akina imbere ku ruhande, Yannick Carrasco w'imyaka 24, azoba avuye mw'ihiganwa ryo mu Bushinwa, Chinese Super League, mu mugwi Dalian Yifang. (Foot Mercato)

Liverpool yitguye kurangiza amasezerano y'umukopo y'umukinyi w'imbere ku ruhande Ben Woodburn w'imyaka 19 yakina muri Sheffield United, munyuma itohoze ku bivugwa n'imigwi Blackburn Rovers, Brentford na Hull City yoba imwipfuza. (Goal)

Umukinyi w'imbere wa West Ham n'Ubwongereza, Andy Carroll w'imyaka 30, yipfuza kuguma London Stadium, mu gihe amasezerano yiwe y'akazi arangira mu mpera za rino higanwa. (Sky Sports)

Umukinyi w'inyuma w'umunya Hollande, Timothy Fosu-Mensah w'imyaka 21, yipfuza kwanka amasezerano y'umukopo yomukura muri Manchester United amujana muri Fulham, akigira mu wundi mugwi muri kuno kwezi kwa mbere. (Times)

Newcastle yabwiwe ko itegerezwa kwongera amahera ni yaba yipfuza kugura umukinyi wo hagati wa Atlanta United na Paraguay, Miguel Almiron w'imyaka 24. (ABC Cardinal, via Guardian)

Arsenal yahinduye ingingo yo mu masezerano ngo ishobore kugumya gushika mu mpera ry'ihiganwa ryo mu mwaka uza, umukinyi w'inyuma aturuka muri Espagne, Nacho Monreal w'imyaka 32. (ESPN)

Sunderland iriko irarondera umukinyi w'imbere wa Wigan na Irlande du Nord, Will Grigg w'imyaka 27. (Northern Echo)

Newcastle iriko irihuta ngo irabe ko yogura umukinyi wo hagati wo muri Turukiya, Abdulkadir Omur w'imyaka 19. (Karadeniz)