Amerika: ikibazo cy'abimukira mu rukiko rw'ikirenga

Urukiko rw'ikirenga muri Leta Zunze Ubumwe za Amerika rwemeye gusuzuma icyemezo cya Perezida Baraka Obama cyo kwemerera abimukira barenga miliyoni enye batagira ibyangombwa kuguma mu gihugu, bagakora badafite ubwoba bwo kwirukanwa ku ngufu.

Perezida Obama yatangaje uyu mugambi mui 2014 akoresheje ububasha ahabwa n'itegekonshinga butuma arenga ku nteko nshinga mategeko.

Ariko umugambi watambamiwe n'inkiko zo ku rwego rwo hasi igihe Leta ya Texas n'abandi barepubulikani 25 batanze ikirego cyo guhagarika iki cyemezo.

Bavuga ko Bwana Obama yarenze ku bubasha yemererwa nka perezida mu itegeko nshinga rya Amerika. Iki kirego kizasuzumwa mu kwezi kwa Kane.