Kazungula: Ikiraro gihuza Botswana na Zambia cyafunguwe
Ahavuye isanamu, Botswana Government
Ikiraro gishya gica hejuru y'umugezi wa Zambezi gihuza Botswana na Zambia cyafunguwe ku mugaragaro kandi cyitezweho kuzamura ubucuruzi muri ako gace.
Iki kiraro cy'agaciro ka miliyoni $250 kiri ahitwa Kazungula, cyubatswe ku mafaranga yatanzwe na Banki Nyafurika itsura amajyambere (BAD/AfDB) hamwe n'inguzanyo ya leta y'Ubuyapani.
Mbere y'uko cyubakwa, imizigo yagombaga gupakururwa amakamyo ikambutswa umugezi ku mato ngo igere hakurya.
Abashoferi b'amakamyo nabo ubu ntibazongera gutegereza igihe kirekire ku mupaka wa Zimbabwe uri muri aka gace gahuza ibihugu bitatu - Botswana, Zambia na Zimbabwe.
Kuwa mbere, leta ya Botswana yatangaje kuri Twitter ifoto y'iki kiraro - gifite inzira y'imodoka n'iya gari ya moshi - cy'uburebure bwa 1Km:
Iyi nkuru irimwo ivyatanzwe na X. Dukeneye uruhusha rwawe imbere yuko bigushikira, kuko birashobora kuba bikoresha cookies hamwe n'ubundi buhinga. Wobanza ugasoma aha X amategeko agenga cookien'ayagenga ubuzima bwite imbere yuko wemera. Kugira ubibone hitamwo 'emera hanyuma ubandanye'.
Impera ya X ubutumwa
Uretse ba perezida ba Botswana na Zambia, gufungura iki kiraro byitabiriwe na perezida Félix Tshisekedi wa DR Congo, Filipe Nyusi wa Mozambique na Emmerson Mnangagwa wa Zimbabwe, nk'uko leta ya Botswana ibivuga.
Ibindi bihugu mu karere nabyo bizungukira kuri iki gikorwa remezo kuko kizihutisha ibicuruzwa hagati y'ibyambu bya Africa y'Epfo n'ibihugu byo mu majyaruguru yayo, kugeza kuri DR Congo.
Iki kiraro hari impamvu cyubatswe nk'ikorosi - ni uko uwari Perezida wa Zimbabwe Robert Mugabe atari ashyigikiye uyu mushinga.
Bityo, kugira ngo kitanyura hejuru y'agace ka Zimbabwe, ntabwo cyashoboraga kubakwa nk'inzira igororotse.
Gusa mu 2018, Namibia na Zimbabwe nabyo byinjiye muri uyu mushinga wari urimbanyije.
Ahavuye isanamu, RDC government
