Trump yatangaje ko imiriro y'agasozi y'i California iteje amakuba akomeye

Inyandiko gusa
Abazimya inkongi bari gukora amasaha 72 icyarimwe, ariko bavuga ko bidahagije mu guhagarika imiriro

Ahavuye isanamu, Getty Images

Insiguro y'isanamu, Abazimya inkongi bari gukora amasaha 72 icyarimwe, ariko bavuga ko bidahagije mu guhagarika imiriro

Perezida Donald Trump wa Leta Zunze Ubumwe z'Amerika yatangaje ko imiriro y'agasozi iri kunyura mu ngo itwika no mu mashyamba arimo umutungo kamere w'agaciro yo muri leta ya California, ari amakuba akomeye.

Yagennye imfashanyo ya leta yo kugoboka abagizweho ingaruka.

Abantu barenga 14,000 bazimya inkongi ni bo bari kugerageza kuzimya imiriro 585, ubu imaze gutwika ahantu hangana na hegitari (ha) hafi 400,000.

Iteganyagihe rivuga ko hitezwe imiyaga ikomeye ishobora guhuha iyo miriro ikayigeza no mu guce dutuwe kurushaho.

Abantu batari munsi ya batandatu bamaze gupfa, naho ababarirwa mu bihumbi bataye ingo zabo.

Byinshi mu byangiritse byatewe n'imiriro itatu migari yatwitse mu turere tw'icyaro two mu misozi kandi turimo ibiti byinshi

Ejo ku wa gatandatu, Guverineri Gavin Newsom wa leta ya California yavuze ko umuriro uri kwibasira uduce turimo amajyepfo n'uburasirazuba bw'umujyi wa San Francisco, ari uwa gatatu utwitse ahantu hanini cyane ubayeho mu mateka y'iyi leta.

Tambuka X ubutumwa
Uremeye ibiri kuri X?

Iyi nkuru irimwo ivyatanzwe na X. Dukeneye uruhusha rwawe imbere yuko bigushikira, kuko birashobora kuba bikoresha cookies hamwe n'ubundi buhinga. Wobanza ugasoma aha X amategeko agenga cookien'ayagenga ubuzima bwite imbere yuko wemera. Kugira ubibone hitamwo 'emera hanyuma ubandanye'.

Uragaba: Ibitangwa n'izindi mbuga bishobora kubamwo gutangaza

Impera ya X ubutumwa

Videwo Guverineri Newsom yatangaje kuri Twitter igaragaza umwotsi wera uzamuka uva ku butaka bwuzuye ivu.

Skip Ibisomwa cane and continue reading
Ibisomwa cane

End of Ibisomwa cane

Itegeko ryo kuva mu ngo ryatanzwe ejo ku wa gatandatu ryageze no ku bantu babarirwa mu bihumbi batuye hafi y'umujyi wa San Jose, abandi nabo baburirwa kwitegura ko isaha n'isaha bashobora gutegekwa guta ingo zabo.

Abakuru ba pariki bafite ubwoba ko ibiti byo muri ubu bwoko, bya mbere birebire ku isi, byaba byagezwemo n'iyo miriro

Ahavuye isanamu, Getty Images

Insiguro y'isanamu, Abakuru ba pariki bafite ubwoba ko ibiti byo muri ubu bwoko, bya mbere birebire ku isi, byaba byagezwemo n'iyo miriro

Iyi leta yagize ikibazo gikomeye cy'igabanuka ry'abazimya inkongi.

Icyorezo cya coronavirus cyagabanyije itsinda ry'abazimya inkongi bagizwe n'imfungwa, ubu zafunguwe mbere y'igihe mu kwirinda Covid-19, ubundi zagiye zifasha mu kuzimya imiriro guhera no mu gihe cy'intambara ya kabiri y'isi.

Abantu batari munsi ya 43 barimo n'abazimya inkongi ni bo bamaze gukomereka.

Inyubako zibarirwa mu magana zahiye zirakongoka ndetse n'izindi zibarirwa mu bihumbi zifite ibyago byo gushya.

Inyubako zibarirwa mu magana zakongotse, harimo n'iyi nyubako ndangamurage yari imaze imyaka 157

Ahavuye isanamu, Getty Images

Insiguro y'isanamu, Inyubako zibarirwa mu magana zakongotse, harimo n'iyi nyubako ndangamurage yari imaze imyaka 157