Uriko ubona ku rubuga aherekana amakuru mu nyandiko gusa, hakoresha uburyo buke. Ja ku rubuga nyamukuru ubone amakuru mu nyandiko iherekejwe n'amasanamu.
Njana ku rubuga nyamukuru canke aho gusoma gusa
Ibindi vyerekeye ingene urwo rubuga rugutwara uburyo (ama mega) buke
DR Congo: Habonetse imfungwa zanduye coronavirus
Repubulika ya Demokarasi ya Kongo yemeje ko habonetse abantu ba mbere banduye coronavirus muri gereza yo muri icyo gihugu.
Imfungwa zigera kuri enye bazisanzemo Covid-19, indwara yo mu myanya y'ubuhumekero iterwa n'ubu bwoko bushya bwa coronavirus.
Abo babonetse muri gereza ya Ndolo iri mu murwa mukuru Kinshasa, ndetse abandi benshi bashyizwe mu kato.
Bivugwa ko iyo gereza ifungiyemo abantu bakubye hafi inshuro enye umubare w'abo ubundi ifite ubushobozi bwo kwakira.
Imiryango iharanira uburenganzira bwa muntu ifite impungenge ko iyo virusi ishobora gukwirakwira byihuse mu zindi mfungwa no muri benewabo nazo bajya kuzisura.
Iyo miryango iharanira uburenganzira bwa muntu iri gusaba ko imfungwa zishinjwa cyangwa zahamwe n'ibyaha byoroheje zirekurwa mu kugabanya ubucucike.
Abategetsi bo mu rwego rw'ubuvuzi bohereje itsinda ry'abaganga kuri iyo gereza kugenzura uko byifashe.
DR Congo imaze kwemeza abanduye coronavirus mu ntara zigera kuri zirindwi, ariko benshi mu banduye babonetse i Kinshasa.
Kuri uyu wa kane, ingendo zongeye gusubukurwa mu burasirazuba bw'igihugu, mu mijyi yo mu ntara zo muri icyo gice kugeza ubu kitaragaragaramo coronavirus.
