UK: "Happy" niyo ndirimbo yacuranzwe kurusha izindi mu myaka 10 ishize

Mu myaka irindwi ishize ubwo Pharrell Williams yandikaga indirimbo ye yakunzwe cyane ku isi yise "Happy", ntabwo yari azi ko ubu izaba ifasha abantu guhangana n'ibi bihe bidasanzwe ku isi kubera coronavirus.

Iyi ndirimbo, yigeze gutwara igihembo cya Grammy mu 2013, ubu niyo iza ku mwanya wa mbere mu ndirimbo zacuranzwe cyane mu myaka 10 ishize mu Bwongereza.

Izi ndirimbo zatangajwe n'ikigo Phonographic Performance Limited kuri BBC nk'indirimbo 10 za mbere zacuranzwe mu Bwongereza kuva mu 2010.

Nta ndirimbo y'umuhanzi wo muri Africa irimo, higanjemo indirimbo z'Abongereza n'Abanyamerika.

Iya kabiri ni indirimbo "Rolling In The Deep" ya Adele umuhanzi uvuka mu mujyi wa Londres.

Adele niwe muhanzi w'umugore uri kuri uru rutonde uririmba ku giti cye.

Indirimbo "Moves Like Jagger" ya Maroon 5 na Christina Aguilera iza ku mwanya wa gatatu.

PPL ni ikigo cyo mu Bwongereza kuva mu 1934 gishinzwe gutanga uburenganzira bwo gutunga no gucuranga muzika y'abahanzi barenga 110,000.

PPL yakusanyije izi ndirimbo zacuranzwe cyane ishingiye ku mibare yahawe n'ibigo biyibaruyemo birimo za radio na televiziyo.

Umuyobozi w'iki kigo avuga ko indirimbo 40 zacuranzwe cyane ari izo abakora kuri radio na televiziyo bacuranze kenshi mu myaka 10 ishize kandi zikomeza kwibutsa abantu byinshi.

Izindi ndirimbo 40 ziraza gucurangwa uyu munsi zikurikiranyijwe kuri BBC Radio 2 yumvikana mu Bwongereza hagati ya saa munani na saa kumi n'imwe z'umugoroba.

Indirimbo 10 za mbere zacuranzwe cyane kuva 2010 ni;