Justin Trudeau wa Canada aricuza kwifotoza yigize umwirabura

Inyandiko gusa
Justin Trudeau yifotoje yigize umwirabura mu maso no ku maboko

Ahavuye isanamu, TIME MAGAZINE

Insiguro y'isanamu, Justin Trudeau yifotoje yigize umwirabura mu maso no ku maboko

Minisitiri w'intebe wa Canada Justin Trudeau yambaye isura ituma asa n'umwirabura mu myaka hafi 20 ishize mu birori byo ku ishuri nk'uko bigaragara ku ifoto yasohowe na Time Magazine.

Avuga kuri iyi foto, Bwana Trudeau yavuze ko "yicuza cyane" ibyo yakoze kandi ko "yakabaye yaramenye ko bidakwiye".

Ifoto yo mu 2001 igaragaza Trudeau yambaye ikintu mu maso no ku ntoki bituma agaragara nk'umwirabura, hari mu birori byo ku ishuri ryitwa West Point Grey Academy muri Vancouver.

Bwana Trudeau ubu ari guhirimbanira kongera gutorerwa umwanya ariho mu matora azaba tariki 21 z'ukwezi gutaha kwa 10.

Trudeau, umuhungu w'uwahoze ari minisitiri w'intebe wa Canada Pierre Trudeau, yigishaga kuri ririya shuri.

Nyuma y'uko iriya foto isohotse yemereye abanyamakuru ko iriya foto irimo irondaruhu ndetse ko "ubu abona ko atakabaye yarabikoze icyo gihe".

Abantu bamwe bagaragaje ko bababajwe n'ibyo Bwana Trudeau yakoze icyo gihe.

Inama y'abayisilamu ya Canada yagaragaje ko itabyishimiye.

Skip Ibisomwa cane and continue reading
Ibisomwa cane

End of Ibisomwa cane

Mustafa Farooq uyobora iyi nama yavuze ko "kubona minisitiri w'intebe yarakoze ibintu nka biriya ari ibintu bibabaje kuko byakorwaga bishimangira irondaruhu".

Elizabeth May umuyobozi w'ishyaka Green Party nawe yanenze ibyakozwe na Bwana Trudeau.

Tambuka X ubutumwa
Uremeye ibiri kuri X?

Iyi nkuru irimwo ivyatanzwe na X. Dukeneye uruhusha rwawe imbere yuko bigushikira, kuko birashobora kuba bikoresha cookies hamwe n'ubundi buhinga. Wobanza ugasoma aha X amategeko agenga cookien'ayagenga ubuzima bwite imbere yuko wemera. Kugira ubibone hitamwo 'emera hanyuma ubandanye'.

Uragaba: Ibitangwa n'izindi mbuga bishobora kubamwo gutangaza

Impera ya X ubutumwa

Andrew Scheer, uyobora abatavuga rumwe n'ubutegetsi muri Canada yavuze ko kiriya gikorwa ari icy'irondaruhu igihe cyakozwe ndetse n'ubu.

Ati: "Ibyo abanyakanada babonye uyu mugoroba ni umuntu udashyira mu gaciro kandi udashoboye kuyobora iki gihugu".

Umuyobozi w'ishyaka New Democratic Jagmeet Singh yavize ko iriya foto "iteye uburakari" kandi "ari igitutsi".

Bwana Singh yabwiye abanyamakuru i Toronto ati: "Buri gihe iyo wambaye isura yirabura[utari we], ni ugutuka no kunnyega abo bantu uko babaho n'ubuzima bwabo".

Ubushakashatsi ku gushaka kw'abannyakanada kugaragaza ko Bwana Trudeau, ubu ushaka manda ya gatatu, atazoroherwa mu matora yo mu kwezi gutaha.