Ugendera mu kagare k'abafite ubumuga yanenze indege ya Ethiopian Airlines 'yamusize' muri Kenya

Inyandiko gusa
Kompanyi y'indege ya Ethiopian Airlines yasabye imbabazi Harun Hassan, imwemere umwanya mu cyiciro gihenze cyane ('business class'), ariko imusaba gusiba ibyo yanditse ku mbuga nkoranyambaga

Ahavuye isanamu, AFP

Insiguro y'isanamu, Kompanyi y'indege ya Ethiopian Airlines yasabye imbabazi Harun Hassan, imwemere umwanya mu cyiciro gihenze cyane ('business class'), ariko imusaba gusiba ibyo yanditse ku mbuga nkoranyambaga

Umunyakenya ugendera mu kagare k'abafite ubumuga yanenze kompanyi y'indege ya Ethiopian Airlines avuga ko abakozi bayo bamusize, banga kumufasha kwinjira mu ndege.

Ni indege yavaga mu murwa mukuru Nairobi wa Kenya ijya muri Leta Zunze Ubumwe z'Amerika.

Mu rukurikirane rw'ubutumwa bwo ku rubuga nkoranyambaga rwa Twitter, Harun Hassan, umwanditsi akaba n'impirimbanyi iharanira uburenganzira bw'abafite ubumuga, yavuze ko yafashwe mu buryo "buhutaza".

Avuga ko umwe mu bakozi b'iyo kompanyi yamubwiye ati: "Nta mwanya dufite wagenewe umuntu umugaye uri wenyine ku rugendo".

Bwana Hassan yavuze ko itike ye igaragaraza neza ko agendera mu kagare k'abafite ubumuga kandi ko yari kuba ari wenyine ku rugendo.

Yanditse kuri Twitter ati: "Bansize ndi jyenyine ndi mu gihirahiro, nta n'ikindi mfite cyo gukora".

Tambuka X ubutumwa, 1
Uremeye ibiri kuri X?

Iyi nkuru irimwo ivyatanzwe na X. Dukeneye uruhusha rwawe imbere yuko bigushikira, kuko birashobora kuba bikoresha cookies hamwe n'ubundi buhinga. Wobanza ugasoma aha X amategeko agenga cookien'ayagenga ubuzima bwite imbere yuko wemera. Kugira ubibone hitamwo 'emera hanyuma ubandanye'.

Uragaba: Ibitangwa n'izindi mbuga bishobora kubamwo gutangaza

Impera ya X ubutumwa, 1

Bwana Hassan yanditse ati: "Ibi biragaragara neza ko binyuranyije n'ingamba n'amabwiriza y'ubuyobozi bw'ibibuga by'indege bwa Kenya n'andi mategeko mpuzamahanga ajyanye no kugenda mu ndege kw'abafite ubumuga iyi kompanyi na yo igenderaho".

Hashize hafi amasaha 10 yanditse ibyo ku mbuga nkoranyambaga, avuga kompanyi ya Ethiopian Airlines yamuhamagaye, imusaba imbabazi, ndetse imwemerera itike y'indege mu mwanya wo mu cyiciro gihenze cyane ('business class').

Skip Ibisomwa cane and continue reading
Ibisomwa cane

End of Ibisomwa cane

Ariko yavuze ko iyi kompanyi y'indege yamusabye gusiba ibyo yari yanditse kuri Twitter na Facebook bijyanye n'ibyo byamubayeho.

Avuga ko yanze kubikora, ko yahitamo "kugenda mu cyiciro cy'ab'amikoro aciriritse ariko mu cyubahiro" aho kugendera "ahahenze cyane yahawe kubera igitutu".

Tambuka X ubutumwa, 2
Uremeye ibiri kuri X?

Iyi nkuru irimwo ivyatanzwe na X. Dukeneye uruhusha rwawe imbere yuko bigushikira, kuko birashobora kuba bikoresha cookies hamwe n'ubundi buhinga. Wobanza ugasoma aha X amategeko agenga cookien'ayagenga ubuzima bwite imbere yuko wemera. Kugira ubibone hitamwo 'emera hanyuma ubandanye'.

Uragaba: Ibitangwa n'izindi mbuga bishobora kubamwo gutangaza

Impera ya X ubutumwa, 2

Bwana Hassan yavuze ko yahisemo kugenda mu ndege y'iyindi kompanyi muri urwo rugendo rwerekeza i Washington DC.

Yavuze ko ubu ari bwo bwa mbere yari atangaje ku mugaragaro "akarengane" akenshi akunze guhura nako.

Ati: "Urebye buri munsi mpura n'ingorane n'ivangura - bimwe biba binababaje cyane kurusha ibi".

"Ariko ibi natangaje 'bikomeye' ni no mu izina ry'abandi babarirwa muri za miliyoni bafatwa mu buryo butandukanye kubera uko 'bagaragara' gutandukanye natwe".

Yavuze ibyo yabikoze mu gufasha ko habaho umuryango mugari wihanganira buri wese. Ati: "Isi yihanganirana ni isi nziza kurushaho kuri bose".