Uruhinja rwa Ardern, Minisitiri w'intebe wa New Zealand, rwitabiriye inama ya ONU

Inyandiko gusa
Ni rwo rugendo rwa mbere rwo hanze ya New Zealand rw'uru ruhinja Neve kuva rwavuka ku itariki ya 21 y'ukwezi kwa gatandatu uyu mwaka

Ahavuye isanamu, Reuters

Insiguro y'isanamu, Ni rwo rugendo rwa mbere rwo hanze ya New Zealand rw'uru ruhinja Neve kuva rwavuka ku itariki ya 21 y'ukwezi kwa gatandatu uyu mwaka

Minisitiri w'intebe wa New Zealand, Jacinda Ardern, ku wa mbere yagejeje ijambo rye rya mbere ku nteko y'abitabiriye inama rusange y'umuryango w'abibumbye i New York muri Leta Zunze Ubumwe z'Amerika - kandi bwa mbere mu mateka y'uyu muryango, yari yazanye n'uruhinja rwe.

Mbere gato yo kuvuga ijambo rye, Madamu Ardern yakinnye n'uyu mwana we w'umukobwa witwa Neve Te Aroha.

Umugabo we Clarke Gayford, ufite inshingano ya mbere yo kwita kuri uyu mwana muri iyi nama rusange ya ONU, ni we wari ukikiye Neve mu gihe nyina yagezaga ijambo ku nteko rusange ya ONU.

Madamu Ardern ni we mutegetsi wa kabiri w'igihugu w'umugore ku isi wabyaye mu gihe akiri ku butegetsi.

Yavuze ijambo rye rya mbere nu nama yavugaga by'umwihariko kuri nyakwigendera Nelson Mandela wigeze kuba Perezida w'Afurika y'epfo, avuga ko "yakoze cyane" ku buzima bw'igihugu cya New Zealand.

Muri iki gihe, Madamu Ardern akomeje konsa umwana we Neve w'amezi atatu, akaba yavuze ko ari "ibintu bisanzwe cyane gufata icyemezo" cyo kumujyana mu rugendo nk'uru rw'iminsi itandatu mu mahanga.

Igitangazamakuru NewsHub cyo muri New Zealand cyasubiyemo amagambo ya Madamu Ardern agira ati:

"Mu by'ukuri Neve aba andi iruhande igihe kinini muri New Zealand."

Skip Ibisomwa cane and continue reading
Ibisomwa cane

End of Ibisomwa cane

Minisitiri w'intebe Ardern yagejeje ijambo ku nteko rusange ya ONU ku wa mbere

Ahavuye isanamu, Reuters

Insiguro y'isanamu, Minisitiri w'intebe Ardern yagejeje ijambo ku nteko rusange ya ONU ku wa mbere

Minisitiri w'intebe Ardern yabwiye ikinyamakuru the New Zealand Herald ko ari we wishyurira amafaranga y'urugendo umugabo we, nk'umuntu "waje muri uru urugendo by'umwihariko kwita kuri Neve."

Umugabo we Clarke Gayford asanzwe ari umunyamakuru kuri televiziyo, ariko muri iki gihe asigara mu rugo yita ku mwana wabo

Ahavuye isanamu, Reuters

Insiguro y'isanamu, Umugabo we Clarke Gayford asanzwe ari umunyamakuru kuri televiziyo, ariko muri iki gihe asigara mu rugo yita ku mwana wabo

Madamu Ardern yasubiye ku kazi ke nka Minisitiri w'intebe wa New Zealand mu kwezi gushize kwa munani, nyuma yo kurangiza ikiruhuko cye cy'ibyumweru bitandatu kigenerwa umubyeyi wabyaye muri iki gihugu.

Ku rubuga nkoranyambaga rwa Twitter, umugabo we Gayford yagaragaje ifoto y'icyangombwa cyahawe umwana wabo Neve nk'umwe mu bitabiriye inama rusange ya ONU.

Tambuka X ubutumwa
Uremeye ibiri kuri X?

Iyi nkuru irimwo ivyatanzwe na X. Dukeneye uruhusha rwawe imbere yuko bigushikira, kuko birashobora kuba bikoresha cookies hamwe n'ubundi buhinga. Wobanza ugasoma aha X amategeko agenga cookien'ayagenga ubuzima bwite imbere yuko wemera. Kugira ubibone hitamwo 'emera hanyuma ubandanye'.

Uragaba: Ibitangwa n'izindi mbuga bishobora kubamwo gutangaza

Impera ya X ubutumwa

Stephane Dujarric, umuvugizi wa ONU, yabwiye ibiro ntaramakuru Reuters ati:

"Minisitiri w'intebe Ardern ari kwerekana ko nta muntu n'umwe warusha umugore, ubangikanya inshingano ze nk'umugore n'akazi gasanzwe, guhagararira igihugu cye."

Yongeyeho ati:

"5% gusa by'abategetsi bo ku isi ni abagore, rero tugomba kubaha ikaze [hano] uko dushoboye kose."