Abasirikare bari kw'ikarashishi bagizweko igitero n'abagabo bitwaje inkoho i Ahvaz

Inyandiko gusa
Injured soldiers lying on the ground after an attack on the military parade in Ahvaz

Ahavuye isanamu, AFP

Insiguro y'isanamu, Abateye bagerageje kurasa abategetsi ba gisrikare bari mu bwugamo bw'iteka

Inkuru zibandanya zivuga ko abateye barashe binyegeje mw'ishamba ryegereye ahabera iyo karashishi, kandi bari bambaye impuzu za gisirikare.

Umushikiranganji wa Iran ajejwe imigenderanire yavuze ko "abitwaje iterabwoba" bafashijwe "n'ubutegetsi bwo mu kindi gihugu" ari bo bari inyuma y'ubwo bwicanyi.

Ibinyamakuru vya reta n'abategetsi bagiriza abagwanyi b'aba Sunni canke abarabu b'abanasiyonaliste.

Itororokanirizo ry'amakuru rya Fars ryavuze ko ico gitero catanguye isaha 09:00 zo muri Iran (06:00 BST), kikaba cakozwe n'abagabo bane bitwaje inkoho.

Abo bateye barashe mu banyagihugu, banagerageza kugira igitero ku bategetsi ba gisirikare bari bicaye mu bwugamo, nk'uko ico kinyamakuru kibandanya kivyandika.Abantu bitwaje ibigwanisho barashe abasirikare ba Iran bari mw'ikarashishi mu gisagara kiri mu bumanuko bushira uburengero ca Ahvaz, bica abantu 11 harimwo n'abanyagihugu basanzwe, bakomeretsa abarenga 20 nk'uko bivugwa n'ikinyamakuru ca reta.

A soldier carries an injured child at the scene of the attack

Ahavuye isanamu, AFP

Insiguro y'isanamu, Umwana umwe ni we yakomerekeye muri ico gitero
Soldiers seek cover during the attack

Ahavuye isanamu, AFP

Insiguro y'isanamu, Abasirikare baryamye hasi binyegeza igihe hariko haraba ico gitero

Babiri muri abo bagabo bateye na bo bishwe n'abajejwe umutekano, mu gihe abandi babiri bafashwe, nk'uko bivugwa n'icegera c'umukuru w'iyo ntara, Ali Hosein Hoseinzadeh.

Inkuru zibandanya zivuga ko abasirikare umunani hamwe n'umumenyeshamakuru bari muri abo bishwe.

Nta mugwi n'umwe uriyitirira ico gitero camaze iminota cumi.

Skip Ibisomwa cane and continue reading
Ibisomwa cane

End of Ibisomwa cane

Ariko umushikiranganji w'imigenderanire wa Iran Mohammad Javad Zarif yavuze:"Iran ifata ko abashigikiye iterabwoba mu karere n'umukuru wabo ari we Amerika ari bo bakwiye kubibazwa."

Iran iguma yagiriza umukeba wayo muri ako karere, Arabia Saudite ko ishigikiye ibikorwa vyo kwiyonkora vy'inkehwa z'abarabu.

Ahvaz ni kimwe mu bisagara vyabayemwo imyiyerekano y'abaterekwa reta binubira ingene ubuzima busigaye buzimvye mu mpera z'umwaka uheze.

Iran yariko iribuka igihe intambara yabahuza na Irak yatanguriye 1980-1988, aho hateguwe ikarashishi y'abasirikare mu gihugu cose.

Map of Iran