Uriko ubona ku rubuga aherekana amakuru mu nyandiko gusa, hakoresha uburyo buke. Ja ku rubuga nyamukuru ubone amakuru mu nyandiko iherekejwe n'amasanamu.
Njana ku rubuga nyamukuru canke aho gusoma gusa
Ibindi vyerekeye ingene urwo rubuga rugutwara uburyo (ama mega) buke
Abarongoye ishuli ry'aho umwigeme yafashwe ku nguvu muri Kenya bicaritswe
Umushikiranganji w'indero muri Kenya Amina Mohamed yicaritse abagize inama nyobozi y'ishuli Moi Girls' School, inyuma yaho umwe mu banyeshuli afatiwe ku nguvu mu buryamo.
Madamu Mohamed yakuye n'umuyobozi w'ishuli yaciye yemera kuja mu karuhuko k'izabukuru hatari bwagere, nkuko umugwi ugenzura abigisha "Teachers Service Commission" wavuze mu makuru yashikirijwe n'ikinyamakuru Nation.
Ishuli Moi Girls High School muri kino gihe rirugaye inyuma yaho umunyeshuli afatiwe ku nguvu mu ndaro, itangazamakuru ryo mu gihugu rikavuga ko uwo mwigeme yafashwe yaragiye ku kazu ka surwumwe.
Inyuma y'iryo bara abagabo 30 barimwo abigisha hamwe n'abajejwe umutekano bariko barasambishwa, kugera hamenyekane ido n'ido y'ivyabaye.
Ubutegetsi bwa Kenya buvuga ko abikekwa bazosuzumwa mu buryo bwa ADN.
Iryo bara riherutse kugwa ryatumye abantu benshi bafatwa n'agashavu ku bijanye n'umutekano mu mashuli, ndetse abandi biha amabarabara mu myiyerekano.
