Abashingamateka b'abakukuruke bagiye gutekeregwa imiliyoni 100 UGS

Inyandiko gusa
Umuvugizi w'inama nshingamateka ya Uganda Rebecca Kadaga (ifoto ya kera)
Insiguro y'isanamu, Umuvugizi w'inama nshingamateka ya Uganda Rebecca Kadaga (ifoto ya kera)

Umugwi ujejwe ibibazo vy'abashingamateka mu nama nshingamateka ya Uganda uriko urasaba ko abigeze kuba abashingamateka botekeregwa imiliyoni 100 z'amashilingi ya Uganda ($26000).

Umuvugizi w'inama nshingamateka Rebecca Kadaga yabwiye ikinyamakuru gikorana n'ubutegetsi New Vision, ko ayo mahera ari ayo "gushima intererano y'abo bashingamateka mw'iterambere ry'igihugu".

Avuga ko abo bashingamateka bamaze guhabwa $8000, ariko ngo Prezida Yoweri Museveni akaba yavuze ko "ari make cane".

Umushingamateka wa kera Othieno Akika, yavuze ko bigoye ngo abo bashingamateka baronke akazi.

Abo bashingamateka bakoze hagati y'i 1962 - 2001, nibo bazoronka ayo mahera ariko ntawuzi ukwo bangana.

Iyo nteguro irindiriye kwemezwa na Prezida Museveni.

Tambuka X ubutumwa
Uremeye ibiri kuri X?

Iyi nkuru irimwo ivyatanzwe na X. Dukeneye uruhusha rwawe imbere yuko bigushikira, kuko birashobora kuba bikoresha cookies hamwe n'ubundi buhinga. Wobanza ugasoma aha X amategeko agenga cookien'ayagenga ubuzima bwite imbere yuko wemera. Kugira ubibone hitamwo 'emera hanyuma ubandanye'.

Uragaba: Ibitangwa n'izindi mbuga bishobora kubamwo gutangaza

Impera ya X ubutumwa