Uriko ubona ku rubuga aherekana amakuru mu nyandiko gusa, hakoresha uburyo buke. Ja ku rubuga nyamukuru ubone amakuru mu nyandiko iherekejwe n'amasanamu.
Njana ku rubuga nyamukuru canke aho gusoma gusa
Ibindi vyerekeye ingene urwo rubuga rugutwara uburyo (ama mega) buke
Isinzi ry'abimukira ku rubibe rwa Mexique na Amerika
Abimukira benshi bari mu rukurikirane rw'imodoka bagiye kurondera ubuhungiro muri Amerika bahagaritswe ku rubibe.
Abategetsi bacungera imbibe ba Amerika babwiye abantu bashika 150, benshi bari kumwe n'abana, ko ku rubibe Mexique ihana na Amerika ujabukira i San Diego huzuye.
Ntivyari bwamenyekane nimba abo bimukira bo muri Amerika yo hagati batinda bakabareka bakinjira canke ko basubizwa inyuma, ariko uwo mugwi usa n'uwudashaka kuva ngaho.
Prezida Trump yavuze ko abimukira bo muri Amerika yo hagati bageramiye umutekano wa Amerika.
Prezida wa Amerika yama yiyamye abo bimukira, kuri twitter akaba yavuze ko vyerekana ko bikenewe gukaza amategeko aberekeye.
Yahamagariye amareta ahana urubibe na Mexique kurungika abasirikare gukaza umutekano ku rubibe gushika hubatswe uruhome muri ico kibanza.
Urwo rukurikirane rw'abimukira rwahagurutse itariki 25 z'ukwezi kwa gatatu mu bumanuko bwa Mexique rugana Amerika, hagufi y'urubibe na Guatemala, hakaba harageze igihe bashika ku 1000.
Abo bimukira bagiye n'amamodoka yunguruza abantu, itereni hamwe n'amaguru ibirometero 3.200 gushika ku rubibe Mexique ihana na Amerika, benshi bakaba bavuga ko bahunga ugutotezwa n'ubwicanyi mu bihugu vyabo.
