Urupfu rwa Kim Wall: Umunya Danmark Peter Madsen yakatiwe gufungwa burundu

Inyandiko gusa
Peter Madsen

Ahavuye isanamu, Getty Images

Insiguro y'isanamu, Madsen yakatiwe gufungwa burundu kubera kwica umunyamakuru Kim Wall

Umugabo w'umunya Danmark wahimbye ubwato, Peter Madsen yakatiwe gufungwa burundu ahamijwe akanatemagura ibice by'umurambo w'umunyamakurukazi Kim Wall.

Yamwiciye ku bwato bwe mu kwezi kwa Munani. Urukiko ruri I Copenhagen rwatahuye ko yari afite ibintu yishyize mu mutwe bishingiye ku iraha ry'igitsina ko ashaka kwica umugore akamwica urubozo.

Ndetse yahaye ubutumire benshi mu bwato bwe mu mwaka ushize.

Peter Madsen na Kim Wall ku bwato bwitwa Nautilus mu kwa munani 2017

Ahavuye isanamu, Ritzau Foto

Insiguro y'isanamu, Peter Madsen na Kim Wall ku bwato bwitwa Nautilus mu kwa munani 2017

Kim Wall, washakaga kwandika inkuru kuri ubu bwato ni we wenyinye wemeye ubwo butumire.

Yangije ubwato nyuma yo kumwica, nyuma abeshya ko uwo mugore yabuvuyemo nta ngorane.

Kim Wall yari yaraburiwe irengero mbere yo kumenya ko yishwe

Ahavuye isanamu, AFP

Insiguro y'isanamu, Kim Wall yari yaraburiwe irengero mbere yo kumenya ko yishwe

Ariko byavumbuwe nyuma y'uko ibice by'umurambo we bitangiye kureremba mu mazi.

Bwana Madsen avuga ko uwo mugore yazize impanuka kandi ko ngo azajuririra umwanzuro w'urukiko.

Umushinjacyaha Jakob Buch-Jepsen yavuye mu rukiko avuga ko "anyuzwe"

Ahavuye isanamu, Reuters

Insiguro y'isanamu, Umushinjacyaha Jakob Buch-Jepsen yavuye mu rukiko avuga ko "anyuzwe"

Nyuma yo gutangaza umwanzuro w'urukiko, umwunganizi mu mategeko wa Madsen, Betina Hald Engmark yabwiye urukiko ko uwo yunganira azajuririra icyemezo.

Skip Ibisomwa cane and continue reading
Ibisomwa cane

End of Ibisomwa cane

Ariko Madsen w'imyaka 47 azaba agumye mu buroko mu gihe ubujurire bukorwa.